她的伴奏者: 1

大家好，我叫張柏豪，一個十分普通的中五學生，人稱鳩柏豪。只是因為我十分戇鳩，和某某歌手十分相似，就是那麼簡單。

今天是九月一號，學生的惡夢又開始了。
「喂腎虧明，早晨喎」陳仲明，死黨一個，相識十餘年，雖然他是否腎虧仍然無從考究，但他擁有15分鐘去3次廁所的紀錄
「鳩豪咁早嘅，返黎昅女啊？」
「我地班個個都楊貴妃咁睇條毛咩」我趴在桌子上說
「我收到風我地班有個女插班生，好靚女喎」腎虧明興致勃勃地說
「挑，都唔會關我地事㗎啦，你腎咁虧無女仔會鐘意你㗎」
「你夠係啦，識彈琴好把炮咩，我籃球隊㗎」
「後備隊員。」我說





這時候老師進來了。

「各位同學我地又見面喇」Mr Wong，第2年和他見面，經常不遺餘力叫我參加學校一年一度才藝比賽
「今年我地有一位插班生，我依家請佢入黎自我介紹吓」説罷，一個女生走了進來

「大家好。我叫周子瑜」

傾國傾城，初戀的感覺！啊！我要初戀啊！
諗多左喇柒頭，我根本無望過佢一眼。





「子瑜都係玩音樂㗎喎，咁不如你坐柏豪隔離啦」Mr Wong突然說
「吓…」我先是愕然，再看到班上無數狗公仇視的眼神，再看看周子瑜

一頭秀髮，水汪汪的眼睛配上圓框眼鏡，還有若隱若現的身材，並沒有吸引到我。

都唔似周子瑜嘅。

「就咁話啦，柏豪記得要多啲帶人地參觀學校啊」Mr Wong不忘叮囑





開學日除了聽校長的廢話，就是老師的廢話，然而中五除了DSE努力就是為前途著想，沒有新意可言。

「腎虧明，幾點啊」我半睡半醒地問
「11點45分，仲有15分鐘」

看看隔壁的子瑜，她正全神貫注地聽Mr Wong說廢話。
她的眼神有一種吸引力，不想凝望卻久久不能抽離。

「望乜嘢啊變態佬！」她做出一個口型，配合她兇狠的眼神，我才記得自己像個癡漢般看著她

柒晒。

「去邊度食啊？」腎虧明問
「大茂利廣場啦，我想去琴行」我有一個很奇怪的習慣，隔幾天總要去一趟琴行，彈一下他們的鋼琴，但明明家裡都有
「又彈琴，有無悶啲啊」




「主要係唔彈唔安樂」我說

飯是要吃的，於是我們又來到飯堂——三哥。
「靚仔又黎食飯啊？」
「係啊，全部照舊，加多個細土匪」

「啊你話新嗰個插班生咩來頭呢，好似好有內涵喎」
「靚女就話人有內涵，唔好咁啦」我吃著米線說
「肥黃又話佢玩音樂嘅，你可以帶埋我同佢交流吓」腎虧明非常變態地說
「我淨係識玩獨奏，同人地夾盞搞」我說

真的想不到，一塌糊塗的我竟被她拯救了。

的確，我人緣是不太好，加上太內向，導致真正交心的只有腎虧明。





吃飽喝足，當然要做正事。

「呢部琴好似幾好喎」腎虧明說
「好條毛咩，完全係初學者先用，啲聲咁差」我小聲地說
「吓…我見個殼都幾靚仔喎」
「有時啲嘢唔係睇表面好就好嘅」我說

手觸碰到琴鍵，我的眼睛下意識感受琴鍵的重量。
嗯，這琴比起剛才那部是挺不錯的。然後隨手彈出一曲《富士山下》。

「誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有」腎虧明正奔放地高歌著，絲毫沒有一點臉皮





這3分鐘很難捱，腎虧明的歌聲完全破壞了那些情調。

「屌你唱細聲啲啦」我拉著仍沉醉在富士山的腎虧明

此時此刻，琴行內的人眼光並沒有注目於我們，除了她。

「屌」我不敢相信我的眼睛
「咩事啊」腎虧明下意識地望向我看的方向

周子瑜正在管樂陳列櫃呆呆地看著我們。

學校同你有過節都唔使追到呢度掛…
我打算戰術性撤退，腎虧明卻毫不客氣地大叫

「子瑜你好啊！」生怕整間琴行不知道我們認識




「你黎做咩啊…」還沒來得及拉住他，又開始發問
「走啦屌你」我一把拉走腎虧明
「做咩喎，見到同學打招呼都唔得」
「你仲好講，好柒啊」我捂臉欲哭無淚

經歷完這一齣鬧劇後，我送走了腎虧明，然後回家去。