她的伴奏者: 13

星期日得返唔夠十二個鐘，功課又未做琴又未練，即係又要留家努力。

「好難啊啲數！」子瑜大叫
「頂多2個幾月就聖誕假啦」我有時都覺得自己太樂觀
「咁樂觀都得嘅你…」
「咁唔係點？做啦」

結果兩個人互相抄考，太陽落山前竟然做得晒。

「好攰啊，出去食飯啦」




「不如叫外賣啦？」我建議
「唔得，要出去吸收新鮮空氣」

結果我地出左去市區，白白浪費成個鐘車程。
去到朗豪坊，我終於知點解子瑜會想出去。

因為，成條街個個都望住佢，連阿伯都係。
Damn！我都係企係個靚啲嘅女仔隔離啫，啲狗公唔使好似殺左佢地父母咁望住我㗎。睇返子瑜，襯衫係幾好嘅，短裙白T，而我淨係求其著件U記，的確幾唔登對。

「食飯啦，唔係連你都要昅我啊？」子瑜無奈咁問




「昅毛啊？」我話，因為我真係無諗住睇佢，要睇屋企都睇夠啦
「點知你」

子瑜一個人走進人群裡，我只得默默跟隨。
就…出咁遠去foodcourt食究竟有咩意圖。
「食嘢啦，做乜呆晒」
「其實妳係唔係想show off自己先去咁遠食飯？」我忍唔住講
「吓？」
「妳出咁遠都係食foodcourt…」





她沒說話，只是默默地吃著她的pepper lunch。
想必她在這裡經歷了一些事。

吃完飯，轉眼已經九點多。商鋪拉上大閘，途人開始向地鐵站的方向走。周圍響起了歸家的訊號，而聽朝是要返學的。

「喂子瑜，走喇返屋企」
「得啦，麻鬼煩。」
「提妳咋，聽朝的士錢又係我出」
「我唔開心，不如去海旁行吓」
「咁突然…好啦」

不知為何，看見子瑜的嘴角下垂，我竟覺得有點同情。

「又咩事啊大小姐？」我問
「我點樣先好似你咁無憂無慮？」




「吓？妳唔問妳老豆老母點解生得妳咁亭亭玉立？」
「…認真啊」
「唔好諗咁多咯，想做就做，唔使聽太多人地講乜」
「真係咁容易咩？」
「難㗎，妳見唔到我無咩friend咩？但有時有啲嘢人地唔推你做，又發現唔到原來自己都幾啱做喎。所以，有時真係好奇怪。」
「你都幾佛系。」她說
「大家咁話啦唉，走啦，的士我嘅。」我說

其實係因為我已經好攰了。
最後佢真係理直氣壯咁享受左呢百二蚊的士錢。

第二日，我地兩個又好似無事發生過咁返學校，係腎虧明唔夠膽面對柒左嘅現實，好彩佢無俾師妹知道佢鍾意人地。

「人才啊，飲到貓左喺我屋企」我同腎虧明講
「屌，咪柒提，我今次真係英明盡毀，仲點追師妹」




「咁呢啲我真係幫唔到你喎，sor9ly」我擰頭

雖然犧牲左兩個人，不過感覺我同子瑜嘅距離好似拉近左。

「喂…你識唔識做呢條啊？」子瑜細細聲咁拍我個頭
「屌嚇撚死，呢條吖嘛。妳將右邊啲數擺晒過左邊先，即係咁樣。」我拎起佢枝筆，然後幫佢寫左一行。寫完我望住佢，佢又望住我。

有啲感覺，有啲心動，點算。

「望夠未啊鹹濕仔！」佢一嘢踢落我命根度，痴撚線
「痴線咩妳？望妳一眼啫」不過我都係鍾意佢著校服多啲

無驚無險又幾日，有意無意地我同子瑜啲肢體動作好似多左，但我又驚，都唔知驚乜春。

可能係驚俾佢知道我鍾意佢。





我望住專心抄筆記嘅子瑜，唔小心笑咗出黎。

「喂！放學Miss Chan叫我地留低喎」
「吓，又留低？依家唔使做咩…」我有啲不滿，因為再唔練琴會收皮
「我都未擔心你擔心啲乜吖」

放學，我同子瑜去左搵Miss Chan。
「有咩搞啊Miss Chan，趕住返屋企練琴啊」我直接講
「就係咁嘅…你地校長屎忽痕無啦啦邀請左啲校董同教育局下星期黎參觀」
「哦，咁關我地乜事？」子瑜入世未深
「就係想你地…可以表演吓」
「吓？我完全未練好喎？」子瑜問
「得啦，儀式上叫做有啲嘢俾人睇到就得」我無乜所謂
「一首合奏一首柏豪獨奏，可以嗎？」Miss Chan問




「好～Miss Chan妳開到聲我點拒絕啊？」

返到屋企，快手做晒啲功課就埋位練琴。