訓醒後, 我多左三個老婆: 15. 接近真相

「寶鈴呀，其實，點解你咁想做我老婆既？」
 寶鈴「吓！呀⋯⋯你對我好溫柔咯，你頭先好細心」
 我「咁但係我又有阿儀喎，你唔介意咩」
 寶鈴「咁我又唔覺得我可以獨占到你既，咁好既男人有人要同我分我都明白既」
 我「但我今日先對小芹咁喎，佢好細個時我已經識佢架喇」
 寶鈴「你怕面對唔到佢？」
我「都係架，好似過份左少少咁」
 寶鈴「可能佢自己都想既呢」
 我「係呢，講開小芹，你地有無比到鎖匙佢呀？點解佢會自己入到黎？」
 寶鈴「吓，可能佢拎左李太條鎖匙呢？」


 我「係喎，點解你又知李太既，我都幾肯定我無講過佢個喎」
 寶鈴「有架，你上次飲醉左有講架，仲話好驚比李太見到」
 我「有咩？應該唔會卦」
 寶鈴「有呀，好喇，沖完喇，出去喇，阿儀等左好耐喇」 寶鈴趕左我出去之後，阿儀攤左晌梳化度睇緊電視。見我地出黎，笑笑口咁問「玩得開唔開心呀」彷彿好似見到啲野咁。「你要唔要一齊開心下呀？」我反問返佢。「黎呀，驚你呀」阿儀真係好受激將法。我叫阿儀同寶鈴拎晒啲啤酒出黎地下再幾個咕𠱸，我地再圍圈坐地下。 儀「點呀，攪到成個神壇咁，玩乜咁神秘呀」
 我「好神秘架，我地玩 truth or dare」
 儀「仲以為玩乜，又係啲小學雞野」
 我「係架，係小學雞架，但哩個小學雞野幾令我地認識到大家多啲」
 寶鈴有少少緊張咁望住阿儀，阿儀「黎咪黎，反正我地都無野唔講得」我睇得出阿儀有少少心虛。

  開始之前，我有少少風度咁飲左一枝先，之後口由我開始轉。第一次轉中寶鈴，唔錯，寶鈴唔似會講大話，我問啲簡單啲既「寶鈴係唔係真名？」寶鈴「唔係」我「咁點解叫寶鈴？」儀「一次一個問題呀，下次先再問，寶鈴唔好答」



  之後到寶鈴轉，轉中阿儀，儀「我要 dare 」寶鈴「咁你飲一枝喇」

 阿儀好爽手咁飲完之後，一轉，轉中寶鈴。寶鈴話「我揀 truth 」阿儀「估到你係揀 truth，咁，你個胸有幾大？」寶鈴話「36H」阿儀望一望寶鈴個胸，伸對手去逗一逗「仲要好有彈性添喎」之後到寶鈴轉，轉中我，我諗都無諗「我揀 dare」寶鈴好簡單咁拎左五枝酒出黎「哩度有五枝唔同既酒，你揀兩枝飲晒佢」五枝酒唔同大細，淨係見到包到實一實，我安全地揀左中間size既兩枝。但估唔到一枝係威士忌，一枝係香檳，再加埋之前枝啤酒，我開始有少少暈，但我會堅持轉落去。

  哩一轉轉中阿儀，我先發制人咁話「你一定係 dare 架喇」，阿儀有少少驚咁「黎呀，驚你呀」之後我指一指寶鈴淨低三枝酒「一次過飲晒佢」之後阿儀拎隻大啤酒杯出黎，三枝酒每枝三份一咁倒落去。阿儀有少少勉強咁飲晒。再落三份一出黎，佢好夾難咁飲到尾，最後既三份一，佢飲左兩啖就停左，寶鈴姐妹情深咁幫佢飲埋佢。我目的達到，我就係想佢再個醉醉地咁再迫佢地講我想知既野出黎。