點解我嘅校園戀愛喜劇缺少了戀愛成份？: 第04話

「叮噹叮噹～」一個學生最開心嘅時間又到嘞，冇錯，就係放學。我平時放學呢，我都會係學校慢慢磨，又同啲女女交流下呀嗎

今日呢我就去咗平時唔會點去嘅籃球場。

我真係古唔到佢係鍾意打籃球，通常啲女女都係打排球，真係搞不懂。不過算啦，開正我個飯，我本身都係打開波如果唔係點溝女。

行到嚟佢成日嚟嘅柏麗球場，我完本都以為係新鐘，點知我估錯曬，算，好彩我都識。

我一到就放底啲野，除埋件恤衫，順便show show肌。首先呢先插下花熱下身，再射返幾粒3粉先。砰一聲，炒咗。





都唔知係唔係好彩，個波咁啱彈咗落庭庭度。見到佢著住件背心，露出佢嘅白雪雪嘅手臂，再加上佢個微笑，我明點解佢可以謎倒咁多男仔。

「唔太掂喎師兄！」估唔到佢主動嚟同我講野下

「耐冇打呀嗎？你咪係今朝開學禮個司儀！？」

「原來你識我架！？係度竟然遇到同校真係出奇。」

「係呀，佢地班友成日去鐘聲個邊打波，我又唔想同佢地班MK行咁埋。」





「你都覺得佢地MK呢？我就唔係因為呢個原因」

「咁係咪呀？講唔講得架？」

「唉～唔好講呢啲啦，係呢你叫咩名呀？」

「我叫殷子樂，5A班，你可以叫我Edan架。」

「你唔講還好，講完之後睇睇下又幾似Edan喎。唔通你就係啊Anson下戰書個位呀？nice to meet you」





「係啦，不過我小學識到佢依家，老對手嚟架。係喎可以點叫你呀？」係時候進入做正經野「我冇記錯你叫周芷庭，可唔可以叫你做庭庭呀？」

根據「情報」呢，就話佢班friend都係咁叫佢嘅，應該冇咩問題啦。研究話呢同異性有第2啲稱呼都可以促進關係發展，依定只差一步，say yes啦。

「庭庭呀？不如你叫返我英文名啦，可以叫我kristy。」

睇嚟我失敗咗，冇辦法，急唔嚟。「好啦，nice to meet you, kristy」

「Edan呀，不如我地打返場1on1先啦」

「好呀，打幾多分。」好啦，我讓下你

「11分大，唔準讓賽架！」

「咁輸咗唔準喊架！」口講唔讓，最後咪又係讓