<時光倒流一句話>: 《序》
《序》
8月，就嚟開學，呢個suppose應該係大部分準form6學生操dse卷操到天昏地暗嘅時候。我就攤咗喺張床度攤咗半個暑假。不過，唔係我屋企張床，而喺醫院嘅其中一個床。做今次手術之前，手術之後，我都係完全訓唔著，都唔知幾耐冇好好一覺訓天光。簡單d嚟講，我好撚驚。醫院收得好差，機都打唔到，連Youtube d 144p畫質嘅片都要撈好耐。每晚我就係度望住個天花板，一路到第二日嘅朝頭早，好彩嘅都訓到2，3粒鐘嘅…可能啦
有一晚，我突然醒起我有個friend講過有個app叫紙言，裏面d小說全部都係廣東話為主，好好睇。於是我就打開紙言嘅網站。死啦，大獲啦…
到而家10月，我平均每日都仲會用3粒鐘睇紙言d故，明顯已經係中毒已深。睇左咁多個故之後，我忽發其想，不如我都寫返個故？
大家好，我係阿Y，係一個04年出世嘅中六學生，運動員出身，每日都要練波。但就算幾忙都好, 更新呢篇文會係我堅持做嘅嘢，我已經放棄過好多野，但係我唔會放棄呢個故。
今個故事會帶大家用一個天真嘅傻仔嘅point of view，去睇呢個世界。
好，開始啦！
ig@y_writin
請大家follow我嘅ig☝🏻咁就唔會錯過所有update嘅嘢！❤️