<時光倒流一句話>: 《浪漫溫馨一世紀》（下）

《浪漫溫馨一世紀》（下）

「叮噹叮噹～」鐘聲響起，要開始上堂了。我突然發現今日嘅阿wing望落去好似有d唔同，好令人著迷。於是乎我就企定定呆咗係度咁望住佢，望到眼金金定一定，十足日本嗰d癡漢咁。

頭先掛住執嘢嘅阿wing亦都終於發現我gup住佢。
「傻佬，望咩啊！打鐘喇，我地上堂啦。」阿wing笑騎騎咁講。

「好，數學堂喎，我地行啦。」我拖住佢隻手然後一齊行。

「喂啊！傻仔！做咩拖到我隻手咁實啊！」阿wing fing開咗我隻手然後扁住嘴咁講。



「咩話？你問我點解拖到咁實？因為我覺得唔拖實d你就會走囉。我講真㗎。」

「白痴仔！」

一般人從我個外觀睇落去普遍都覺得我好陽光，好搞笑。實情啱啱相反，其實我內裏我好自卑。我呢個毒撚除咗識打波之外，乜都唔識，又唔靚仔，讀書又廢，個人又摺，唔係練波就係訓覺。我明明真係好差，究竟點解會同阿wing呢個女神拍拖拍咗3年，到而家都係一個謎。但係愛情好神奇，呢3年嚟，阿wing一直都好支持我所做嘅每一個決定，一直都堅定不移企喺我嗰邊。雖然唔知點解個傻妹咁愛我，肯一路陪我捱，但Anyway啦，我地呢個年紀，都唔會奢望d咩物質上嘅嘢，只求身邊嘅人係大家。

因為學校小班教學嘅緣故，我地要走去第二個班房上堂。

「喂啊，行慢d啦，行慢d啊！唔好跑啦！你好趕咩？！」我笑住咁寸阿wing。實情係我要就住我個pat，因為真係好痺，好似有好多條蟲喺patpat位裏面咬緊你咁樣，又痕又痛，真係好難形容嗰種感覺。一個字，好撚煩。



唉，明明數學都唔好玩，我地2個d數學成績又咁差，數學阿sir又唔係d咩靚仔！究竟因乜解究阿wing咁鍾意上數學堂呢…今堂仲要係星期一朝頭早嘅第一堂。攰就梗係攰啦，等陣聽住個阿sir講經，一定訓得著。

去到班房lu，我同阿wing坐返平時坐開嗰個位，張檯上面比我地畫滿曬公仔，有好瘦好瘦嘅多啦a夢，有4隻眼嘅peppa pig，有幾個有名嘅火柴人，真係好on9，但我鍾意。

「wing姐，今晚想去邊度慶祝啊？」

「ummm…不如我地喺屋企煮飯食啦？好耐冇食過你煮飯喇，嗚。」又嚟喇又嚟喇，又係呢個楚楚可憐嘅眼神，可愛程度非筆墨能形容。

「咁就等我炮製一餐正嘢俾你食啦，你乖乖地坐係度等食就得㗎啦～」我笑住咁講。心諗：「練完波都應該夠時間買餸煮飯掛，哈哈。」睇到阿wing笑到咁開心，我就摸下佢個頭：「傻豬。」



「今日我地會教埋asgs裏面嘅gs然後聽日開始教3d trigo，大家有冇問題？冇問題我開始啦。」數學阿sir難得唔係吹水講經講人生大事，而係正經教書，咁呢堂我更加要打起12分精神，（聽住先啦）因為我數學成績的確係差到唔可以再差…

「阿…究竟今晚要煮咩餸好呢…？」上堂上咗一陣，我已經開始發夢。連晏晝都未食，我已經喺度諗定今晚食乜，其實係咪有小小過份呢。諗諗下笑咗出聲，阿wing問我咩事，我就話冇嘢冇嘢。「Gs嘅公式相信大家都冇咩問題啦？」班上面大部分人都已經訓著左，一如既往咁冇人理個阿sir，得我一個依然喺度on99咁望住佢。

「林曉宇。」阿sir突然叫我個名。

淆到仆街嘅我即刻企咗起身然後問：「咩事呀，牙sir？」

「你出嚟做呢題數，做比全班睇，呢題我啱啱先講完。」

望下阿wing，佢應該係比阿sir大嗌我個名嗰陣醒一醒，見到佢喺度捽眼，阿sir偏偏喺呢個時候叫我出去做數。苦笑緊嘅我心諗，唉，你真係大仆街嚟㗎喎…

「ehhh…好啊！」



你以為我真係唔識咩…輕鬆啦。跟住咪錯曬囉。
翻到埋位，阿sir繼續嘴砲我，對我嚟講，早已經耳熟能詳，根本就冇聽佢講嘢。

阿，見阿wing訓得咁冧，我又訓埋一份先。

ig@y_writin
請大家follow我嘅ig☝🏻咁就唔會錯過所有update嘅嘢！❤️如果鍾意故事，請您撳「追故」！呢個會係我一直寫落去嘅動力！٩(˃̶͈̀௰˂̶͈́)و