那個叫司徒一郎的男人就這樣出現我們的面前,他帶我們一眾人來到一處隱閉的地方,然後開始解釋他找我們的原因。

他倚著牆身,道︰「呢次既反抗行動,係由一個叫李文海既人發動架。」

「李文海?」

「冇錯,佢係一個數值紅心2既男人,憑住出色既演講能力同埋領導能力成功帶領5000幾人執行反抗行動。」

廣伯震驚,道︰「5000幾人?」





司徒一郎微微點頭,道︰「冇錯,好令人震驚。」

我馬上問道︰「個班黑衣人冇理由由得佢地架?」

他點頭,道︰「佢地呢班反抗分子密謀左成個月,成個計畫都瞞天過海,佢個層既黑衣人早就比佢搞掂哂,依家同佢地對峙緊既,只有其他層數既黑衣人。」

我們三人都靜下來,想不到上層竟然發生如此大事,而如今我們這裡卻像是風平浪靜。

廣伯此時開口,道︰「咁你搵我地到底想點?」





司徒一郎略帶嚴肅,加重語氣,道︰「我想你地阻止李文海。」

我皺眉,馬上駁斥,道︰「咩話?你話阻止?點阻止呀?對方足足有成5000幾人!」

他從褲袋中拿出一封密封的文件,又道︰「將呢封信攞比佢,唔可以打開。」

我接過來,馬上道︰「點解你唔親自交比佢,要我地做?」

他回︰「因為我依家都抽唔到身處理呢件事,李文海個條友我地從冇諗過佢竟然咁快就行動。」





廣伯也聽見,道︰「你地?你唔止一個人?」

司徒一郎望向我們,道︰「遲啲我再同你地解釋,如果你地交唔到呢封信比佢,咁政府將會派軍隊攻陷A-ZONE,到時呢度所有人都會被戰火波及!」

阿正驚呼︰「軍隊?」

司徒一郎點頭,道︰「冇錯,A-ZONE已經失控,佢地所講既執法部門已經派唔上用場,如果唔制止佢地,泥緊佢地一定會派遣軍隊鎮壓。」

我手握住那封信件,汗水不自覺地流下,這是我第一次經歷這種局面,我…真的能可以做到嗎?

這時廣伯搶過信件,繼續追問︰「你都未講,點解搵我地?」

司徒一郎停頓了一陣,打量著我,然後開口道︰「廣伯,我知其實唔關你事,但係阿宏,呢件事係事關你媽媽架。」

我瞪開雙眼,看著司徒一郎,喊道︰「你知我阿媽係邊?」





他繼續道︰「我依家仲未可以同你講住,但係如果李文海呢次成功既話,你就再冇機會見你媽媽。」

我衝前抓起他衣領,廣伯和阿正見狀馬上拉住我,我也不顧他們,向司徒一郎怒吼道︰「點解你地都唔比我見佢!」

司徒一郎冷靜地道︰「因為佢係無意間捲入左一個陰謀入面。」

我鬆手,道︰「陰謀?」

他整一整衣領,道︰「時間已經唔多啦,我唔可以再同你地糾纏落去,就交封信比佢啦阿宏,咁都係為左你阿媽!」

他說完後便匆匆跑走,遺下我們三人,與手上的一封信封。










 
已有 0 人追稿