《我既人生竟然由一張紙牌A搞到重新開始？》: 第四十三章 新身份

司徙一郎回道︰「冇錯，目前仍然昏迷不醒。」

我馬上問道︰「佢發生左咩事？」

「佢係被人襲擊。」

我緊握著拳頭，道︰「邊個襲擊佢？」

他道︰「襲擊佢既人，係一個叫黃龍既人。」





「佢點解要襲擊我阿媽？」

「因為你阿媽係無意間知道左呢個紙牌計畫背後既陰謀。」

「陰謀…？」

「係某人想統治世界既重大陰謀，你媽媽就係掌握左呢件事既重要證據，最後招泥殺生之禍。」

「你講既人到底係邊個？」





「佢就係現今既特首。」

我聽完後馬上退後幾步，實在難以置信，當日在電視上看見的特首，暗地裡竟然是會如此黑暗。

司徙站起來，繼續道︰「我地已經派人保護你媽媽，依家唯一知道佢地陰謀既人就只有佢，我地必須要等佢醒返先可以知道更多背後既陰謀。」

他扶起我，道︰「而你已經唔可以再返A-ZONE啦，我地已經幫你安排左一個新既身份。」

我看著他，驚道︰「新既身份？」





他點頭，道︰「你從今日起，就唔再係葉智宏。」

「咁點可能做到？要將一個人既資料抹走，至少都要政府部門先得啦！」

他微微一笑，道︰「我地有既係人才，你放心啦，你既資料已經比我地偷偷消除左，由今日起你既身份就係許謹鵬。」

他隨後遞上一張身份證給我，上面的名字寫上許謹鵬三字。

司徙看著我，嚴肅地道︰「好啦許謹鵬，你準備好過一個新既人生未？」

我接過身份證，與司徙一郎雙目交接，他的眼神如今就猶如一把鋒利的匕首，狠狠地刺進我的心臟。

就在那刻，葉智宏就死於公海，活下來的，只有許謹鵬。