男友出軌，我決定送26頂綠帽比佢: F ：貓.雪糕.傳染病 (2)

男仔明顯窒咗一窒：「真的嗎？」

死啦，如果佢話唔要，我咪好樣衰？開始有啲後悔...早知頭先唔好咁衝動。

「我沒有別的意思。」我有男朋友架啦，對你無企圖，你唔好諗多咗。唔要仲好，我慳番。

不過好似越解釋，就越係欲蓋彌彰。

男仔終於展顏一笑，揀咗士多啤梨味：「謝謝。」





我鬆咗一口氣，其實我都幾驚俾人拒絕。

男仔睇得出我唔自在，一邊撕開甜筒張紙，一邊解釋：「我只是奇怪，你連我的名字也不知道，就請我吃東西。」

「因為我人好啊。」

反正只係一面之緣，以後未必會再見面。叫乜名，真係有咁重要咩？

「那你叫什麼名字？」出於禮貌，我都係循例問下。





「我叫Flynn。」

「我叫凱婷。」

「凱婷，謝謝你給我一枝冰淇淋的時間。」佢語氣真誠咁話，然後好似碰杯咁，輕碰我手上既芒果甜筒。

我地好似向住言情小說既方向發展。係咪台灣既男仔天生就咁浪漫呢？

唔知佢有無女朋友。





如果有，點解佢會孤零零自己一個。如果無，點解佢咁識同女仔講野。

但我又唔想直接問，唯有估估下。

聽講食雪糕既方式，可以反映出一個人的感情狀況。

最直接既食法，係咬住黎食，不過會食到成塊面成個嘴都係，小朋友先會咁食。

第二個食法，係細細啖咁舔，愈軟既地方越要舔，連枝棍都要舔埋，費事滴落地嘥哂。

仲有人會含住黎食，雪糕同舌尖直接摩擦，冰冷既感覺係嘴裡炸裂，一食入魂。

Flynn...佢係含住黎舔。睇黎好有經驗，應該成日食雪糕。

「你怎麼不吃呢？」Flynn見我神情凝重，諗野諗到入哂神。





「沒...沒什麼。」係喎，毫無理由咁望住人，係一件好沒禮貌既事。

我窘得不得了，成枝甜筒塞落口。

Flynn突然諗起咩野：「凱婷，你該不會就是那個抽兩根煙的壞女孩嗎？」

佢居然識香港既網絡潮語，真係估唔到。

我輕笑：「是呀，我還會用冰淇淋誘惑男生，讓他們乖乖跟我回家。」

「你是巫女嗎？」

「或許吧。」我耐人尋味一笑。





「跟你回家幹什麼呢？」佢明知故問，露出一個調皮的笑容。

「該幹什麼便幹什麼。」

Flynn故作驚恐，握住自己喉嚨：「這...冰...冰淇淋有毒的。」

佢誇張地昏死過去。

小尾突然係我懷裡跳出去，伸出貓爪，輕輕咁刮Flynn既手掌。

Flynn即刻原地復活。

小尾定咗係度，碌大隻眼，望實佢手中既粉紅色甜筒。

仲以為小尾去關心佢既死活添，原來佢只係關心自己既一日三餐。





「你也想吃冰淇淋嗎？」Flynn好溫柔咁問。

小尾撒嬌似地喵咗一聲，好似係度應緊佢。

其實貓係識聽人講野，不過佢想唔想理你，就要睇佢心情，可能仲要睇埋天氣。畢竟，天氣影響心情嘛。

Flynn用甜筒紙刮咗少少雪糕落黎，放係佢腳邊：「吃吧，小傢伙。」

小尾喵一聲哄上去舔。

「你看牠，吃得多開心。」我由衷咁話。

「不像我們，商場餐廳關了又開，開了又關，連個吃飯的地方也沒有。」





「你說這樣的日子，什麼時候才到盡頭？」我問Flynn，雖然明知無答案。

2020年，期望明年會更好。2021年，無咩期待，只盼自己同身邊既人身體健康。2022年，以為疫情終於告一段落，可以過番正常生活（雖然已經唔記得咩叫正常），點知殺出個變種病毒。

又圍封又強檢，搞到成個香港雞飛狗跳。

「我怎麼知道。小傢伙，你知道嗎？」Flynn逗弄小尾。

小尾昂高頭，呼嚕呼嚕咁叫，眼巴巴望住Flynn。

Flynn摸一摸佢個頭仔：「只能吃一點哦。你有乳糖不耐症，吃太多會拉肚子的。」

「什麼叫乳糖不耐症？」第一次聽呢個名詞。

「就是吃了含有奶糖的東西，比如冰淇淋、牛奶、奶昔，身體會出現不良反應。」

「明知道會有不良反應，牠為什麼還要吃呢？」

「明知道有不良反應，你還不是去接種疫苗嗎？」

嗯，我之所以會打針，主要原因唔係想產生抗體，而係唔打針就冇得出街食飯。

我吐吐舌頭：「因為我饞。」

「那麼，你接種了沒有？」我又問。

「接種了。」

「復必泰還是科興？」

「復必泰。」

「我也是。」

小尾見無野食，瞓咗係度，回复番之前生無可戀、咩都聽唔入耳既模樣。

「你看街上一片死寂，人潮疏落，像不像一個死城？」Flynn一邊摸貓，一邊問。

我望下四周，點點頭：「確實有世界末日的感覺。」我又補咗一句：「你來得不是時候。以前的香港，可是個不夜城。」

五光十色既霓虹燈，熙來攘往既街道，熱鬧喧囂既店鋪，種種既一切，都遙遠得仿如一個夢。

「假如明天就是末日，一切都將灰飛煙滅，你最後悔沒做的事情是什麼？」