男友出軌，我決定送26頂綠帽比佢: I for 校服的自述（2）

「考試已經結束，考生可收拾個人物品，依照指示分批離開。」

「有無紙巾啊？」毒撚肥仔突然擰轉頭問。

我皺一皺眉，有都唔想借：「無呀。」

「我知你有。」肥仔突然捉住我隻手，苦苦哀求：「你唔好扮野啦。」

「唔好掂我！」我想甩開佢隻手，奈何佢生得肥屍大隻，我唔夠佢力大：「我叫你放手啊！」





A貨丁家岐突然大大力拍枱：「你好放開個女孩啦喎！」

幾乎成個禮堂既人都聽到。

眼見所有人都望哂過來，肥仔臉都紅哂，狠狠咁睥住我，然後拎起個袋，一枝箭咁沖咗出去。

乜料呀，做錯事既人係佢，係都應該我睥佢先啦。

「佢有冇整親你？」A貨丁家岐問。





「我無事。」考場內嚴禁談話，我地無再多講。

「其餘考生可以離開。」監考老師宣佈。

我同A貨丁家岐同時企起身，佢做咗個讓我既手勢。

「唔該。」

俾肥仔掂完，去廁所洗咗三次手，硬係覺得隻手有啲黐立立，都唔知係咩不明液體...又拎枝消毒酒精出黎噴噴噴。





出到門口，其他人走哂，得番A貨丁家岐。

「你唔走既？」

「等你囉。」A貨丁家岐挨係牆，一隻手插住褲袋，眼帶友善既笑意。

呢句說話，呢個動作，都似丁家岐既作風。

「想問我拎電話呀？」我望住佢，笑意盈盈咁問。佢同丁家岐真係好似啊，似到令我懷疑，佢地係咪失散多年既兄弟。

「啊？唔係呀...」A貨丁家岐察覺到自己既語氣太過輕佻，即刻同我解釋番：「我驚個肥仔懷恨在心，吊你尾跟你番屋企。

我望住佢搭的士走咗，你唔使驚。」

「同你講笑咋。」我拍一拍佢膊頭：「頭先多謝你就真。」





「邊係？保護女仔係男仔既責任。」

「咁多個男仔，得你肯企出黎救我。」大部分男仔都有英雄主義，中意受人仰慕。

真係架？點解既？你好叻呀！俾人讚多幾句，就會開心到褲都甩埋。

「唔喝停佢，萬一佢拖你去暗角非禮你，咁點算？」

「大庭廣眾，佢應該唔會咁大膽掛。」不過個死肥仔頭先考緊試都可以打飛機，色心大起，都唔係無可能。

「你咁細粒，佢咁大隻，打起上來，一定唔係佢對手。」

「好彩有你咋。」





「小事啦。」

「其實佢頭先做緊咩？」我裝傻扮懵咁問，我估佢同丁家岐一樣，都係中意純情無知既乖乖女，乜野都唔知唔識果隻。

「見佢幾大動作下。」A貨丁家岐含糊帶過。「你頭先揀邊條題目寫？」

睇黎佢真係純情男喎，係女仔面前講呢啲會怕羞，仲要轉移話題。

「第一題咯。你呢？」

「我都係。」佢俾部手機我睇：「連登即刻有人講。」

「歷來最受爭議的DSE作文題目」

「有心邪網民動了歪念：以為要寫甜故」





講起甜故，唔知G奶有無湊下熱鬧，寫呢個題目呢？佢好似都中意校服妹...

等陣上佢IG望下先。

「最後一天，主人把我高價賣出。錢就佢收，苦就我受。從此，我和麻甩佬過著濕濕的日子，每天都被射上數十次。」

「條題目出到咁，實俾啲連登仔惡搞。」

「話唔定出題既人，本身都係連登仔呢。」A貨丁家岐講笑咁話。

「你成日上連登架？ 」我問。

呢排疫情，多咗上連登。聽人講，上連登既多數係毒撚，極度仇女(因為自己無），最中意數落臭雞，講野負面又厭世，但係有時又幾有道理。





「係呀，做下毒撚吖嘛。」

「 你個樣都唔似。」

「毒撚無樣睇架。」佢輕輕一笑。

「其實點分真毒定偽毒？」

「有女果啲咪叫偽毒，無女埋身咪叫真毒。」

「咁你呢？」

「有你係我隔離咪偽毒。」

「都話咗你唔係毒架啦。」毒撚邊會咁識講野。

「咁俾我抄下牌，等我唔使做真毒啦。」

我講咗七個數字。

「最後一個數字係乜？」

「唔話俾你知喎，自己估啦。」

1234567890，有誠意想搵我，每個數字試一次，打十次電話，都唔係好難啫。

咁易俾你搭訕到，我咪好無挑戰性。

「識玩喎。係啦，未同你自我介紹，我叫Ian.」

「我叫胡凱婷。」

「真係叫凱婷？」

「假架，唔好信我。」

Ian半信半疑望住我，唔肯定我係咪講緊大話：「你講我就信架啦。」

紅綠燈前。

我忍唔住又望下佢。

世界上會唔會真係有一個人，同丁家岐百分百相似？