［愛情純愛］我地之間嘅友誼純度絕對等於零！！！: 20. 手上的圖案

「嘻⋯」李逸彤喺邱旻顥嘅手腕上畫咗一個笑哈哈，「Okay～」

李逸彤將原子筆放番入裙袋入面，邱旻顥無奈地望住手腕上嘅笑哈哈，無奈地望咗李逸彤一眼

「我嘅一番心意，唔準洗甩呀～」李逸彤叮囑邱旻顥道

「Okay⋯」邱旻顥無語地笑了笑，望住李逸彤轉身就行，邱旻顥都跟上李逸彤嘅步伐

⋯





地理堂

「做呢類型嘅題目嘅時候，講咗佢嘅地理特徵之後再做解釋，例如第四題⋯」老師企喺電腦枱前望住screen，同大家講緊題目

邱旻顥托住腮聽書，一半聽緊一半放空緊

邱旻顥耷低頭喺書上寫低重點時，偶然望向自己嘅手腕，佢輕輕拉起衫袖，望到仍喺佢手上嘅笑哈哈

「我嘅一番心意，唔準洗甩呀～」





邱旻顥諗起今朝早李逸彤對佢講嘅嘢，諗起李逸彤嘅笑容

佢偷偷地望向李逸彤嘅方向，只見李逸彤一臉認真地聽書中，唔似自己一樣放空唔專心

李逸彤手拎住鉛芯筆，喺書頁嘅角落上畫咗個笑臉

「嘻⋯」李逸彤諗起畫喺邱旻顥笑上嘅笑哈哈，不禁細聲一笑

李逸彤托着腮，手輕蓋喺嘴上，悄悄地望向邱旻顥嘅方向，見到邱旻顥托住頭垂眼望住手腕





「佢係唔係望緊個笑哈哈？」李逸彤喺心裏偷笑道

邱旻顥感覺到嚟自李逸彤嘅視線，佢抬眼一望，見到李逸彤望住佢偷笑

李逸彤再次抬眼時見到邱旻顥望住自己，同邱旻顥對上視線嘅時候，李逸彤輕輕抿唇，指一指自己嘅手腕

邱旻顥輕輕拉起衫袖，望到手腕上嘅笑哈哈，無語地抬眼望向李逸彤

李逸彤悄悄地豎起大拇指比咗一個Like，邱旻顥拉番好衫袖，托住腮拎起筆，準備繼續聽書

「叮噹叮噹⋯叮噹叮噹～」

小息到來嘅鐘聲響起，大家執好嘢準備落堂

邱旻顥先行出課室，行到執課室外面發現用緊A班課室上堂嘅科目未落堂，邱旻顥企喺外面背靠着牆等着





李逸彤行出課室，離遠已經見到邱旻顥企咗喺課室外面等着；李逸彤嘅步伐不禁邁得更大步，帶着小急步行到邱旻顥嘅身旁

「你有冇偷偷地抹咗我嘅笑哈哈呀？」李逸彤一行到邱旻顥身旁，自然地捉起邱旻顥嘅手

「冇囉，比你睇下啦⋯」邱旻顥攬住本地理書同筆袋，用右手拉起左邊嘅衫袖遞到李逸彤面前，「一啲色都冇甩！」

「係喎～又真係冇甩色喎～」李逸彤笑了笑，然後鬆開咗邱旻顥嘅手

「你唔比我洗嘛，我邊敢洗？」邱旻顥半開玩笑地講道

喺李逸彤嘅耳中聽起嚟，呢個解釋格外順耳

李逸彤望咗邱旻顥一眼，視線隨即對上，兩人同時一笑





「啱啱好差呀你，唔專心上堂。」李逸彤隨便搵咗個話題講道

「你又知我唔專心？」邱旻題顥頓時輕輕一笑

「你望我呀～我唔似你，我專心聽書啦～」李逸彤笑了笑講道

「你唔望我又知我望你？」邱旻顥嘅笑意更濃，微微側着頭望住李逸彤問道，「睇嚟你都唔係好專心喎～」

「你望我先㗎！」李逸彤輕捏一下邱旻顥嘅手臂

「你都有望我。」邱旻顥講道

李逸彤調皮地吐吐舌頭，然後移開視線，邱旻顥默默地望咗李逸彤一眼，輕輕一笑

用緊課室嘅科目落堂，佢地移番入課室擺低嘢





「落唔落去買嘢飲？」邱旻顥喺放低書同筆袋後朝李逸彤問道

「佢地未番嚟呀？」李逸彤望向沈心怡同潘景諭嘅座位，兩人都未番嚟，「咁我地落去？」

「嗯，行啦。」邱旻顥先離開座位行到李逸彤嘅前面，李逸彤跟喺邱旻顥嘅身後

兩人一齊落到小食部，李逸彤偷瞄邱旻顥一眼，偷偷地打量着邱旻顥

明明一星期見足邱旻顥五日，食飯一齊食、喺課室又一齊坐，就連放學都會一齊行⋯但李逸彤總會好似冇見過邱旻顥一樣，中意偷偷地望住邱旻顥打量佢一番

「如果話潘景諭係高冷男神嗰種靚仔，咁邱旻顥應該係⋯陽光爽朗嗰種靚仔⋯？」李逸彤喺心裏講道，「佢兩個完全係唔同範疇嘅靚仔⋯」

邱旻顥同潘景諭旻顥嘅魅力都好唔一樣，雖然兩人都有睇嘅外表，但比人嘅感覺卻完全唔一樣





邱旻顥睇起嚟比人嘅感覺，陽光、開朗、笑起嚟最charm、言談間可以聽得出佢嘅溫柔；而潘景諭睇起嚟比人嘅感覺，帥氣嘅外表本來就係一種charm，但感覺比較沉默寡言、冷淡，熟起嚟後先會發現，佢同熟人先會多嘢講




IG Link: https://www.instagram.com/nd_cotttoncandy/?hl=zh-tw