［愛情純愛］我地之間嘅友誼純度絕對等於零！！！: 47. 斷正

直到行到去出閘機前時，李逸彤先鬆開邱旻顥嘅手

兩人行到去戲院，李逸彤拎咗自己嘅戲飛錢比邱旻顥，邱旻顥行去買飛，李逸彤企喺一旁等着

「周圍都係couple⋯」李逸彤四處張望，見到喺附近等入場或買飛嘅都係情侶，「明明係科幻片⋯」

「嗱，戲飛。」邱旻顥買完戲飛，手上拎住兩張飛行到李逸彤嘅面前

「哦。」李逸彤哦一聲後接過戲飛，將戲飛收入銀包入面，「呢套戲會唔會好得人驚㗎⋯？睇完佢個預告片感覺有啲令人好驚嘅位⋯」





「你驚咩？」邱旻顥同李逸彤一齊踏出戲院，打算喺附近先行一陣

「咁又唔係⋯」李逸彤遲疑地回答道

⋯

李逸彤拎住外套嘅衫袖擋喺眼前，但又忍唔住好奇劇情發展而將衫袖從眼前移開；邱旻顥望住又驚又好奇嘅李逸彤，不禁覺得好搞笑

「唔恐怖㗎⋯」邱旻顥微微向李逸彤嘅方向靠近，細細聲地對佢講道





「我冇話我驚⋯」李逸彤傲嬌地講道，但佢仍然拎住外套嘅衫袖喺自己眼前開開合合

邱旻顥望住傲嬌否認嘅李逸彤，覺得佢可愛嘅事又多咗一件

「睇嚟連呢件外套都會有香水味⋯」邱旻顥喺心裏講道同時暗自歡喜，畢竟佢唔太介意外套上有李逸彤嘅香水味

「唔！」李逸彤比畫面中突然彈出嘅嘢嚇親，不禁用喉嚨發音叫咗一聲

與此同時，李逸彤伸手下意識地拉咗邱旻顥嘅手臂一下





「仲話唔驚⋯」邱旻顥不禁笑起嚟喺心裏講道，「明明就好驚⋯」

邱旻顥冇打算做啲咩，正當邱旻顥將視線再次落喺大銀幕上時，李逸彤用力地捉住邱旻顥嘅手臂

「佢冇驚嚇位你都驚呀？」邱旻顥不禁一笑，細細聲地問李逸彤

「我冇驚，只係嚇一嚇⋯！」李逸彤死都唔認自己係驚，偏要話自己只係比突然彈出嘅人嚇到

「哦！」邱旻顥嘅目光又再落喺大銀幕上，佢笑着細聲地回答咗一聲

喺電影完結播放起片尾曲同製作人員名單時，影院內嘅燈緩緩亮起

「呼⋯睇完～」李逸彤彷彿鬆一口氣一樣輕鬆地講道，邱旻顥望住李逸彤嘅輕鬆不禁笑起嚟

李逸彤將外套對摺一下，當外套放到鼻前時，李逸彤聞到自己嘅香水味





「都係我嘅香水味⋯佢著上身嘅話⋯」李逸彤喺腦海中想像，諗一諗都面紅起嚟，「佢身上都會係我嘅香水味⋯！」

「你仲拎住我件外套做咩？中意件外套？」邱旻顥望住李逸彤將外套緊緊地握喺手中

「先唔係！」李逸彤聽到後立馬回神，然後將外套遞番比邱旻顥，「打算摺番好比你咋嘛～」

邱旻顥從李逸彤嘅手上接過外套，然後著番喺身上，甜甜嘅香水味撲鼻而來，邱旻顥嘅嘴角微微上揚起嚟

「行未呀～」李逸彤企起身，孭起自己嘅斜孭袋

「行得。」邱旻顥著上外套，企起身同時整一整自己嘅衫領

「我想去個toilet。」李逸彤行出影院嘅時候講道





「哦去囉。」邱旻顥講道，李逸彤自然地將手上拎住嘅嘢飲塞到邱旻顥嘅手中，然後轉身就朝廁所行去

邱旻顥企喺外面等李逸彤，旁邊嘅4號院都散場，一堆人行出嚟，不過邱旻顥都冇點理，畢竟佢只係企喺度等李逸彤去完廁所番出嚟

「咦？邱旻顥？」兩個啱啱行出4號院嘅兩男兩女見到邱旻顥，「你喺度嘅？」

「嗨。」邱旻顥對佢地打咗聲招呼

「你睇咩戲呀？」其中一個男仔一下子就行到邱旻顥旁邊搭住邱旻顥嘅膊頭

「嗰套科幻片囉。」邱旻顥講道

「同潘景諭睇呀？等緊潘景諭？」一個女仔問道

「呃⋯唔係⋯」邱旻顥猶疑咗一下後否認道





「唔係潘景諭？」企喺邱旻顥另一邊嘅男仔頓時問道，「咁你同邊個睇？」

此時李逸彤啱啱去完廁所行出嚟，一行出嚟就見到班上嘅同學企喺邱旻顥旁邊，邱旻顥同李逸彤對上視線

「尷尬啦⋯咁都撞到⋯」李逸彤頓時喺心裏講道，心跳都漏一拍

「哦～原來係同李逸彤睇～」手上拎住嘢飲嘅女仔講到李逸彤，頓時露出一個明白嘅笑容

「呃嗨～」李逸彤有啲尷尬地打招呼

「嗨彤彤～」兩個女仔對李逸彤笑道，然後又望一望邱旻顥

「好嘢喎兄弟～」搭住邱旻顥膊頭嘅男仔低聲地講道，「嘖嘖嘖⋯」





「好煩⋯」邱旻顥無奈地道，佢自己都尷尬地笑咗一笑

「唔阻你地啦～」另一個女仔笑了笑講道，「約會開心啲～」




IG Link: https://www.instagram.com/nd_cotttoncandy/?hl=zh-tw