［愛情純愛］我地之間嘅友誼純度絕對等於零！！！: 138. 情不自禁

「曬唔到～」李逸彤望住邱旻顥一笑，開朗嘅笑容同燦爛嘅陽光莫名合拍，「你隻手唔攰咩？」

「唔攰，曬唔到你就得啦～」邱旻顥輕輕搖頭，習慣性嘅體貼又令李逸彤心動更多

「邱旻顥，你對個個都咁體貼㗎？」李逸彤瞪大雙眼直勾勾地望住邱旻顥

「吓⋯？」邱旻顥有啲疑惑，唔太理解李逸彤呢個突如其來又沒頭沒腦嘅想法，「我有好體貼咩？」

「原來唔知自己好體貼，好可愛～」李逸彤喺心裏早就心心眼，伸手捏咗邱旻顥嘅臉頰一下，然後將手放喺邱旻顥嘅眉上，「你要唔要遮太陽？」





「唔洗啦～我唔怕曬。」邱旻顥對於李逸彤嘅好意心領了，「我怕你曬到多啲～」

李逸彤伸手挽住邱旻顥嘅手臂，佢一步都唔想行離邱旻顥嘅身邊

「送你番去先。」邱旻顥喺行入電梯嘅時候先㩒32樓

「好呀～」李逸彤笑一笑點點頭，「你唔會對個個都咁好㗎可？」

「我又唔係中央空調⋯」邱旻顥無奈地搖搖頭，「我亦冇做中央空調嘅本事。」





邱旻顥覺得李逸彤有時諗嘅嘢會超乎佢嘅想像，有時嘅沒頭沒腦先突顯到李逸彤嘅天然呆，畢竟無論李逸彤係點樣都好，仍然係邱旻顥中意嘅李逸彤

「點解？」李逸彤不禁笑起嚟問道

「我個人比較專一。」邱旻顥定睛地望住李逸彤，自己讚自己完全唔會覺得唔好意思，「你明㗎啦～」

邱旻顥自己都解釋唔到呢種感覺，佢打從心底認為，佢可以同李逸彤一齊好耐好耐，呢種感覺好強烈，就好似佢已經知道未來會係點一樣

「噗⋯！自己讚自己唔會覺得唔好意思㗎咩～」李逸彤望住邱旻顥一臉認真，即刻就忍唔到笑





「我講事實啫～不過，如果你宜家唔信嘅話⋯」邱旻顥聳聳肩，然後捏住李逸彤嘅臉頰，稍微湊近到李逸嘅面前，「以後，你都會信。」

邱旻顥拉住李逸彤嘅手行出電梯，行咗三、四步又停咗落嚟，李逸彤嘅視線忽然有啲飄忽，望邱旻顥一秒後便移開視線

李逸彤抬眼望邱旻顥，邱旻顥望住李逸彤嘅行為舉動，只係覺得李逸彤好可愛，但卻唔知道李逸彤嘅心又開始緊張起嚟

「做咩呀？唔洗番去？」邱旻顥微笑着問李逸彤，李逸彤輕輕地咬一下唇，又抬眼將目光投向邱旻顥同時緩緩搖頭，「即係點呀？你唔番去呀？」

李逸彤仍然定睛地望住邱旻顥，邱旻顥開始有啲摸不著頭腦嘅感覺，因為李逸彤一直望住佢但又唔出聲

「唔⋯李逸彤？」邱旻顥帶着疑惑嘅語氣叫咗李逸彤一聲，李逸彤微微踮起腳尖，雙手搭喺邱旻顥嘅膊頭上，比起啱啱，李逸彤同邱旻顥之間嘅距離拉近咗啲，「嗯？」

下一秒，邱旻顥不禁瞪大雙眼，臉頰紅了、耳根都紅了，呼吸、心臟跳動嘅節奏全部都一下子被打亂；邱旻顥尚未回神，李逸彤已經企番好喺地上，雙手攬住邱旻顥嘅腰，額頭靠喺邱旻顥嘅膊頭上

邱旻顥下意識舔一下唇，唇上除咗有李逸彤嘅唇嘅餘溫外，仲帶有淡淡嘅甜味同潤唇膏嘅香味





「呼⋯」李逸彤鬆一口氣一樣，雖然心仍然未平靜落嚟，臉紅耳赤的，「我番去啦～我地聽日食lunch再見～」

李逸彤承認自己啱啱係有少少衝動，但佢就係忽然間好想直接錫仲邱旻顥

「好啦⋯」邱旻顥微微點頭，感覺仍然未可以完全回神，靈魂都有一半去咗外太空，「咁聽日見啦⋯」

「嗯！」李逸彤用力地點頭，臉上嘅紅霞仍未散去，心臟仍然激動地跳動着

邱旻顥伸手托起李逸彤嘅下巴，李逸彤微微抬起頭，邱旻顥喺李逸彤嘅滾燙嘅臉頰上落下一個溫柔嘅Goodbye Kiss

「我走啦⋯」邱旻顥喺李逸彤耳邊低聲道，「免得你繼續犯花痴～」

李逸彤番到屋企後直接朝住自己嘅睡房行去，房門一閂上，李逸彤就癱坐喺地上，嗰份衝動帶嚟嘅衝擊感仍然未能散去





「我真係太勇⋯」李逸彤雙手捧住自己滾燙嘅臉頰細聲地自言自語道，都唔知到呢句說話係唔係讚緊自己

⋯

夜晚食完飯之後，沈心怡同潘景諭踏上歸家嘅路；而作為一個有風度嘅男仔，當然要將女仔平安送到番屋企

「你到啦⋯」潘景諭同沈心怡行到番屋企樓下，潘景諭頓時有啲唔捨得今日結束

「嗯⋯」沈心怡微微點頭，佢望一望潘景諭後垂眸，「今日⋯好開心⋯」

「我都好開心，多謝你同我出嚟。」潘景諭莫名地有啲緊張，但佢係打從心底覺得開心

「唔洗～」沈心怡露出同平日無異嘅笑容，「咁⋯我番去先啦，我地⋯星期一見。」

「嗯⋯」潘景諭想挽留，佢想再同沈心怡獨處多一陣，想再望多沈心怡兩眼，但佢唔合要點開口





「拜拜⋯」沈心怡對潘景諭道，看似平靜嘅佢，其實內心都對今日嘅約會結束感到不捨

沈心怡邁步行，一步一步⋯步伐比平日慢，就好似係等緊一句說話、一個舉動⋯

潘景諭望住沈心怡嘅背影，佢握緊拳，佢好想問沈心怡一句「你中唔中意我？」但佢怕沈心怡覺得有壓力⋯

但佢的確⋯想再見多沈心怡一陣，就算係兩秒都好⋯！

「沈心怡⋯！」潘景諭將沈心怡叫住，沈心怡停落嚟回頭望向潘景諭




IG Link: https://www.instagram.com/nd_cotttoncandy/?hl=zh-tw