校園的天空。晴: 驚喜。開學難關

終於到了暑假的尾聲，不同的會議也在開始中，Eva也調到文學院工作，暫時我的生活好像也可以鬆一口氣，除非Cherry的入學會帶來我不必要的麻煩。
 
有一天泊車後見到Lucy，返辦公室路上閒談開，她問到我有冇見過Mandy，我真心冇見過佢，但Lucy蠱蠱惑惑咁望住我：「你冇見過佢，但佢有見過你!」
 
「係，係邊度見到我，我唔知喎!」
「Mandy係越南見到你?」
「仆街啦!」我細細聲同自己講，但又要扮無事的講「係呀，我去咗峴港玩幾日之嘛!」
「佢見到你拖住個靚妹噃!」
「我同一班friend去，好鬼多靚妹型佬」就算影到相我蛇咬都唔認。
「Mandy下個星期飛去新加坡見工，睇吓會唔會係個便發展，星期五晚食飯ok?」


「又唔係好熟，到時睇下點啦!」
 
返到辦公室，見到系主任分給我下年的科目。
 
「弊傢伙，有yr 1嘅科，希望唔好咁啱揀中我個科必修科啦!」我暗自擔心起來。
突然間有人敲我門，我擡頭一望，原來是Eva，佢明明唔係調咗去 Faculty of Arts咩，奇怪她為何會又係呢處出現。
 
佢一入嚟，就把門閂上，我本能上想起身去開番度門之際，佢已經行到我的面前。
「Dr Man，我放完假去咗東京，俾啲手信你!」她為自己的到來說了開場白!
「哦…哦，多謝哂，調咗部門ok嘛?」


「唔ok，因為見唔到你!」
「個邊多書生靚佬，佢個Prof Simon幾型吖!」
「你知我諗咩㗎!」
「唔知，亦唔想知道!」
 
因為我剛才是站起來本想去開門，我倆現在是站著對談的，突然之間，她行上前來吻了我的唇一下。
 
「我咪講咗，我調走咗就唔係呢度同事，咁你壓力咪少啲囉!」
「唔好! 我唔配你對我咁好」
「我覺得配咪配囉」之後佢一下子把我攪著，之後細細聲講 「今晚俾啲驚喜你!」


 
驚喜? 驚定喜先?