未開始就完結: 四. 聖誕

一日復一日，
嘉怡同龍仔、志傑、肥牛開始熟落，
所以間唔中都會join埋我地食lunch 

有一日，我同佢地四個去食飯，
講起要準備公開試，自然就會講下補習，
由於龍仔、志傑、肥牛佢地英文科都唔係好掂，所以打算一齊搵補習社

而我因為搞得掂所以唔希望洗無謂嘅金錢，反而我數學較差，嘉怡都係，
因此我地兩個就諗住去補數








過幾日我同嘉怡搵左間好近我地屋企既私人補習社，
而果三條蛋散就係銅鑼灣搵左果啲周街都係嘅補習社。


各科嘅小測隨住冬季嘅來臨一齊泥到
從前班上懶散嘅氣氛開始冇左，




取而代之就係濃厚嘅讀書氣氛


我都被感染了
成個十一月都係上堂、溫書、測驗無限Loop
我同嘉怡平時傾計嘅話題都開始轉移到讀書上
而我同佢亦只係因為補習先可以見面 


好快十一月就過左，




踏入十二月，
基本上同十一月一樣係上堂、溫書、測驗無限Loop，
但唯一好嘅係多左個聖誕假緩衝下 

其實聖誕假期都不外乎溫書，
見日日留係屋企溫書咁悶 
我打算搵嘉怡出泥一齊溫，
我Whatsapp搵佢

「喂起左身未呀？ 」 [09:49]

「sorry呀我依家先醒，做乜事丫 」 [11:04]

「哦唔緊要，我相約你一陣出泥溫書姐 」 [11:06]





「好呀，反正係屋企溫到悶悶地」
「咁你想幾時出泥去邊度等？ 」 [11:07]

「一係十二點係我地去開果間大家樂食埋野再去自修室溫？」 [11:08]

「好啦，陣間見 」 [11:08]

我地都好準時，
今日既嘉怡，
打扮比上次睇波唔同左好多，
頭髮放左落泥 
佢把又直又長又順嘅頭髮真係好靚，
絕對可以拎去拍廣告 
因為天氣凍嘅關係，
佢著左件長袖恤衫加件冷衫，




再著條黑色窄腳長褲，
真係好後悔上次冇望多兩眼佢對腳，
係好白好長嘅腳，
可惜後悔已經太遲了 


食完飯後，
我地出發去自修室，
可能因為係平日，所以都有好多位，
我地簡左個有插蘇既二人位，
果陣大概係點半，
我地一坐低就開始溫書

溫左個幾鐘，
嘉怡突然打左個刻痴，




我先發現原來我簡左個風口位，
仲要對到正嘉怡

「係咪凍呀，一係轉個位啦」

「唔係呀，轉位咁麻煩… 」
佢講都未講完又打多個

「仲話唔係，既然你覺得麻煩一係我比我件褸你著住先啦 」

「你除埋得翻一件咋…唔洗啦 」
佢一講完又再打多個

「睇下你，快啲著啦，一陣凍親你又怪我 」





嘉怡面得紅埋著起我件褸，
望住我好溫柔咁講左句多謝 又讚我體貼細心 又搣下我塊臉 
不過始終呢度係溫習室，我唔想做啲太過親密嘅行為，
於是我望翻本書叫佢快啲溫 

溫到六點幾，我地都開始攰，打算執野走，
嘉怡除左件褸比翻我，
我一著上身，
聞到一陣芳香由件褸傳出泥，
係，
呢陣係嘉怡獨有既體香   



一落到樓下，陰風陣陣，
嘉怡打曬震咁話好凍 
之後又靠近左我，
我見佢咁凍，但又唔想除翻件褸比佢著，
因為我都好撚凍 
喺無辦法下，我用右手攬佢埋黎，
見佢冇反抗，仲挨左落我膊頭頭度，
如是這我地就一齊行翻去 


「嘉怡呀，你聖誕果日有冇人約呀 」

「冇呀，我都冇乜朋友嘅 」

「咁不如我約埋果三隻野出玩啦 」

「都好喎，我好耐冇試過同咁多人過聖誕啦。」

「咁我約定你架咁 」
我再追問
「係呢你除夕得唔得閒呀 」

「得呀，做咩呀，又想約我 」

我突然間淆左一淆
「err…係呀…err…不如…我地去…倒數丫 」

「既然你誠意拳拳，好啦 」

「er…得…得我地兩個喎… 」

「係喇，得啦 」

行行下到左我地分開既地方，
我鬆翻開隻手，同嘉怡講完bye bye就各自翻去 





到左聖誕當日，
我地約左係銅鑼灣地鐵站等，
嘉怡今日又唔同左，
冇紮辮，
一件白色tee加件黑色褸，
牛仔熱褲加黑絲喺入面，
其實唔係mk look，
同普通女仔一樣 

肥牛例牌遲到 志傑例牌做屌佢唔準時果個 

肥牛見我同嘉怡成日一齊都已經見慣不怪，
齊人後我地同正常人一樣周圍行下，
睇左場戲，食餐飯，
玩到九點幾我地入左間咖啡店坐下，吹下水

（我:  ;龍仔:  ;肥牛: ;志傑:  ;嘉怡: ）

:　你地覺唔覺得套戲個女主角好正呀 

:　係呀屌！有幕佢落雨全身濕曬 仲要冇戴bra，睇到我扯哂  

:　我反而覺得女配角正啲喎 
…
…
…
…
…
:　話曬嘉怡都喺度，唔好講呢個話題啦… 

:　龍仔你有冇買禮物你條女呀。

:　緊係有啦，唔買實比佢打死 

:　點解今日你冇約佢既 

:　佢話今晚要同屋企人食聖誕大餐喎…不過除夕會約出泥倒數 

:　喂係喎阿謙 你做咩唔買聖誕禮物比我嘅 

:　err…我唔知送咩呀…算啦都出o玩左成晚 

傾左陣，志傑同肥牛講起佢補習社有個靚女坐佢地前面，
話佢眼大大，皮膚又白，又點點點
搞到我齋聽都扯扯地 
佢地繼續講，原來佢地密謀緊點樣問佢拎電話 

我心諗:　你三條粉腸一見到靚女就狗衝，問完唔撚比，我第一個出o黎笑柒你地 

坐到十一點幾我地都開始翻屋企了。

我同嘉怡搭同一架車，
一上車嘉怡已經好攰訓著左 
我見佢個頭係咁爆個窗，
於是將佢個人挨過泥，
挨係我膊頭度訓，
成程車好平靜，
我望住甜睡中既嘉怡 
心想如果我佢係我女朋友就好了 
果一剎那好似成架車得翻我同嘉怡，
佢頭髮所發出既香氣充斥住成架巴士，
我望住佢…慢慢…我都訓著左 

「 喂！嘉怡！起身啦！到站啦！」
我重複左句野起碼8次嘉怡先醒，
佢見架車差唔多埋站，
就即刻起身同我講句bye bye 就跑落下層。

翻到屋企，沖完涼已經十二點，
我突然收到個訊息:
「多謝你地呀，比左個咁開心既聖誕我。
Btw，好彩有你我先唔洗爆玻璃 早抖啦 」 [00:21]

我冇回覆，因為實在太眼訓，但睇完之後覺得好開心，笑笑口咁訓著左 



第二日朝早，我差唔多下午一點先醒，
一起身，循例睇下部電話，
發現，有一個通知… 


我開左個mon，
有個通知:
{whatsapp 嘉怡: 阿謙…}

我以為佢屌我唔覆佢message，
我即刻入去睇下佢講乜，
原來…


「阿謙！
今朝落街買早餐翻泥一開信箱，
發現有封信寄比我，
個信封係自製，
一面寫左地址，
另一面畫左隻我最鍾意嘅小拳石！！ 
仲要畫得勁靚！ 
之後我翻到屋企打開泥睇，
發展原來係張聖誕卡， 
張卡都係handmade，
有啲3D聖誕樹，
同一句3D會彈下彈下既
"Merry Christmas"  
下面寫左一篇百幾字既文，
睇字跡似係男仔寫，
講到好似好了解我咁，
阿謙我估條友你都識架，
可唔可以幫我同佢講聲merry Christmas and happy new year同多謝佢呀， 
我都係第一次收聖誕卡咋！
真係好好好……好好好開心呀！ 
多謝你呀 」 [09:56]

我都係第一次見嘉怡會打咁大篇野，
其實張卡係我係聖誕前一日整好，
之後寄出去，諗住佢第二日就收到，
果百幾字都係果啲例牌野，
唔洗點講，
其實嘉怡同我一樣好鍾意寵物小精靈 
佢最鍾意係小拳石（心諗小拳石有咩好 ）
而我就最鍾意巴他蝶，
果張卡用左我兩個鐘時間整 
係寄出去果刻心情好興奮 
不過第二日見佢未收到又唔想講出黎住，
所以就話諗唔到送咩做藉口。
我之後覆翻佢:
「得啦，講左啦！佢話聽到你話鍾意張卡好開心喎！」 [13:17]

無幾耐，12月31日到了 




2012年12月31日 （睛）

今日真係好開心，
仲記得係銅鑼灣等嘉怡既時候真係好緊張，
我好準時9點喺地鐵站等，
等左6,7分鐘，
嘉怡出現係我眼前，
今日既佢，
好靚，好有氣質 
身穿一條半截裙，
著左條點色絲襪，
絲襪隱約透出佢白嫩既肌膚，
再加對皮鞋，
簡單講姐係英倫風。

我地首先去左sogo附近一間餐廳食晚餐，
今日既嘉怡，
好高貴，好斯文 
食完飯佢拖住我周圍行，
我覺得我同佢係成條街最襯、最靚既一對，
即使佢冇親口應承同我交往。 

我地之後去左灣仔海旁，
係金紫荊廣場搵左個海邊位，
靜靜地等待11點59分既來臨。

由於海旁風都幾大幾凍，
我從後攬住嘉怡，
嘉怡亦將佢既重量放係我身上，
我係第一次感受到嘉怡既重量，
好輕…
佢既頭依然散發住一鼓香氣，
呢陣芳香，平靜左我個心，
我係嘉怡耳邊同佢傾計。

分分秒秒逐漸過去，
到左2012年最後既10秒鐘… 
人群一齊嗌:
「10」
「9」
「8」
「7」
「6」
「5」
「4」
「3」
「2」
「1」
「0」
煙花不斷發射上夜空，
身邊有一對一對既情侶相繼擁吻起來，
我同嘉怡深情地對望住，
佢仍然係我懷抱裏，
我地個心，好近，
我心跳加速，
紅紅綠綠既煙火發出既光芒，
投射左係嘉怡既臉上。
果一刻，我係度諗:
我應唔應該錫落去？

我諗左陣，
諗起其實我同佢從來冇講過一唔一齊拍拖，
所以嚴格泥講，我只係佢既好朋友，
我同嘉怡個心咁近，
但呢刻我真係唔知佢點諗，
可能，
佢真係覺得我地只係好朋友，
可能，
佢都等緊我錫落去，
可能，
我地都係諗緊同一樣既問題，
等緊同一個答案。
我回過神來，望住嘉怡既眼眸，
見到眼裏除我以外就係夜空上璀璨既煙花。

結果，
我同佢講左句happy new year，
就攬住左佢，
佢同樣係我耳邊講翻句happy new year，
我地大概攬左幾分鐘，
之後我同佢去巴士站等車。

排緊隊時，我竟然見到龍仔同佢女友一齊，
原來佢地都黎左灣仔倒數，
我地兩對對住大家微笑，
以表示見到對方後就冇理對方了。

我同嘉怡上左上層坐，
我地傾左計睇得出佢好攰，
我就叫佢挨喺我膊頭度訓，
由於已經好夜，
我擔心嘉怡一個女仔翻去有危險，
所以送埋佢去樓下，
其實一直行去佢屋企果段路入面，
我地都傾得好開心，
氣氛好輕鬆，
到左佢樓下，
佢同我講左句唔該就入左去，
我目送佢入完去亦離開了。



回家路上，
我腦裏不斷諗起剛才既情況，
雖然話之後好似冇乜野，
但我心入面總係有條刺