出租女友: 《第八話 善意的謊言》

（和也同水原了解到彼此的嫲嫲係認識嘅時候，和也同水原一秒間感到徬徨萬分）

「唔可以繼續發大件事。」瞬間和也內心決心地湧出呢個念頭。

（伴隨一顆決心，和也彈起身，端正地向木之下女士躹躬。）

「真係好對唔住呀，嫲嫲。」我堅決向嫲嫲道歉，然後再一鼓作氣咁講：「其實我…女朋友…根本就…」

（木之下女士一面疑惑究竟和也講緊啲咩同點解要躹躬）





（不過和也決心要講出口嘅嗰番話都未講完，水原就雙手繞住和也手臂，靠近和也）

「乜…原來和也嫲嫲同我嫲嫲係識得架？」水原聲線生硬咁提問，似乎水原都未收拾好徬徨嘅情緒。

（面對水原毫無預期嘅舉動，和也抬頭望一望水原，水原展現出燦爛笑容）

「真係巧合，可能呢啲就係命運。」水原帶住甜蜜嘅表情向兩位嫲嫲講，水原呢句話令我再次對佢嘅演出表示佩服。

（經過一番波折，和也一行人去到一之瀨女士嘅病房，好等行動不便嘅一之瀨女士先行返回床上安頓）





「真係嚇咗我一跳，估唔到我成日提係嘴邊嗰個千鶴公主居然就係一之瀨你孫女。」嫲嫲笑到合不攏嘴咁對水原嫲嫲講，同時水原嫲嫲同樣心情歡愉咁話：「我都嚇一跳呀，點估到和也個千鶴就係我屋企個千鶴呀，只係以為咁啱同名。」

「哎呀！唔怪得啦，我就成日諗一個咁八面玲瓏，身材又好嘅大家閨秀係邊一住好人家。」嫲嫲繼續寒暄，當然水原嫲嫲都有來有往咁話：「邊係呢，我孫女個拖友係木之下你孫仔，我真係安心晒啦。」

（兩位嫲嫲你一言我一語，講到興高采烈，和友同水原只有呆坐一邊嘅份兒）

（話到一半，兩位嫲嫲互相向對方恭敬低頭）

「為咗佢哋兩個頭親事，我以後要請一之瀨你好關照。」嫲嫲一本正經咁表示，水原嫲嫲正經程度不輸嫲嫲咁回應：「唔係，係我要木之下你關照至啱。」





（和也同水原對望咗一下，水原露出一副嫌棄嘅表情，和也接收到水原嘅訊息，就係「邊鬼個會同你結婚呀。」）

（喺醫院經過漫長嘅一役，和也送水原去車站）

「對唔住呀，搞到你都兩對你嫲嫲講大話。」我內疚咁對水原講，水原輕輕呼咗一口氣：「其實我瞞住我嫲嫲做呢份工，本身已經唔啱。」

「之後就話我哋分咗手啦，唔樣喺最好嘅方案。」水原一番周詳考慮過提出，我毫無懸念回應水原：「嗯，一於係咁。」

（行行下，和也突然停下腳步有話想認真對水原講）

「我真係無預計到你嫲嫲都住係同一間醫院，今次攪到你亂哂龍，點樣講好呢？真係好對唔住，同埋…多謝！」我真誠咁對水原表示歉意同謝意。

（水原聽完和也一番話都停下腳步，不過依然背對住和也）

「你唔洗特登多謝我，其實我想令我屋企人開心嘅心情係同你一樣嘅。」水原語氣平靜咁對我講。





「對於瞞住我嫲嫲，我只可以話我無論如何到繼續需要做啲份工。」水原呢句話另我有啲不明所以，但我開始明白水原應該係有苦衷。

（水原話畢就對和也回眸一笑）

「不過我都幾肯定你將來會揾到一個好好嘅女朋友。」我聽得出水原係真心祝福我，然後我報以水原一個微笑。

水原滿臉笑容咁留低一句拜拜就入車站離開，回想返，水原為咗幫我同我嫲嫲，不惜對自己家人話大話，就算係對住我呢種渣男，水原佢都一持專業到最後。

今次我真係會下定決心，唔會再打攪水原。

（第二日，以為一切都可以告一段落嘅和也，懷住輕鬆嘅心情迎接新開始，喺自己屋企門口仲仲懶腰，鬆鬆筋骨，準備出門）

（和也嘅鄰居此時都推開了門，其實和也一直都無留意過自己隔壁住咗咩人，所以和好奇咁望一望，而住喺隔離呢個人令和也大吃一驚）