因為個火山孝子，我識左對孖妹: Ch.09

「喂，肥軒，任務完成，而家拎上嚟俾你。」

「好波啊峰哥，今次好彩有你幫拖。」

「我辦事你放心，一陣仲有驚喜，仲有之前講過嘅野要算數。」

「屌，得啦今次一定唔會走數，上嚟之前幫我買碗粥，成日冇食野。」

「得啦麻鬼煩，當我欠左你，送佛送到西，一陣見。」
 




掛掉電話後，我走到巴士站等巴士，等了五分鐘，一個模糊的身影從遠處走來，與此同時巴士到站，我沒理會那個身影就上車。

可能想到Martin即將到手，整段車程轉眼就過。我從上層走到下層準備下車，發現淇淇坐在下層，原來她也坐這班車。
幸好她望著窗外，沒發現我。 也好，不想跟這個人有太多交雜。

下車後我隨便在附近買了碗粥，走到肥軒家附近。又發現一個白色的背影走在我前面，我心想…

「屌有冇咁啱啊，某電視台編劇都冇咁爛啦，撞完又撞，垃圾作者。」



我為免被誤會為跟蹤狂，於是停下來，好讓淇淇先走遠，順便打個電話給肥軒。

「肥軒你樓下密碼係咩，耐冇嚟你屋企都唔鬼記得，廢事一陣樓下啲阿叔又問嚟問去。」

「鬼記得咩，平時用卡架嘛，之前好似有抄低等我搵下先，一陣send俾你。」

肥軒是有錢仔，自然住私樓，而他住的私樓是有發配住戶ID卡，只需拍卡就能進出。
這張卡就是有錢仔與窮鬼的分水嶺，作為後者的我只能死死氣地去按密碼。



我繼續走到肥軒家樓下，電話傳來震動，打開看，是密碼。

「謝霆鋒，你點會係度嘅，你跟蹤我呀?」

我抬頭看，怎麼又是你，不是先讓你走遠嗎?

「我係度出現就代表跟蹤你架啦，你自戀少陣啦。」

「點睇你都唔似住呢度，唔係跟蹤我咁點解係度?」

「唉屌，唔撚同你癲。」

我沒有耐性跟她糾纏，直接越過她，照著電話按密碼就進入大堂。豈料她跟著我一起進來…