因為個火山孝子，我識左對孖妹: Ch.11

我進入升降機後，按下15樓的按鈕，就打開電話當低頭族，避免與她有甚何交流。

可惜主導權不在我掌握之中。

她見我手裡提著碗粥，又開始找碴…

「變態佬fans見得多，扮外賣仔跟蹤仲要自稱謝霆鋒嘅變態佬真係未見過。」

她用帶點嘲諷又有點厭惡的語氣道。



又被誤會是跟蹤狂變態佬，又被人用尷尬的網名揶揄，實在吞不下這一口氣，我的怒氣直接衝出來。

「你邊隻眼見到我跟蹤你啊，我家陣做食物熊貓係咪要通知聲你啊，仲有我個名唔係謝霆鋒，開口埋口唔係謝霆鋒，就係變態佬，同埋個網名唔係我嘅，諗住幫個朋友少少野啫，下下都俾你個八婆疾住晒，你估我好想見到你啊，你係隻他媽哥池咋，係到扮上菜!!」

P.S 唔知咩係他媽哥池嘅人請自行google佢嘅另一個統稱

我不加以修飾地說出這番話，以為會把她弄哭，她只是嚇得整個人僵著，說不出話，但這樣就足夠，因為我已經贏了。

叮!……升降機到達15樓，我帶著勝利的表情走出升降機，正要走向肥軒家門前…



「咪行住!」感覺有人在我身後拉扯我的衣袖…

原來淇淇又追出來，死不斷氣。

「你估惡就大晒啊，我而家就報警，你企係到唔好走!」她大喊。

「你都痴線!」說畢我拔足狂奔跑向肥軒家。

她緊追在後喊著「咪走!」



我一邊瘋狂按肥軒的門鈴，一邊喊著:

「肥軒快啲開門，有個痴線婆追住我啊!」

好端端一個愛情故事，怎麼還沒談情就先玩一場dead by daylight。

肥軒開門後我用保特的速度衝入他家，我正要把門關上時，一隻手憑空出現抓著門邊，

看到這隻手代表我已經game over…