因為個火山孝子，我識左對孖妹: Ch.18

與淇淇通話結束後，我隨即打給肥軒…

「屌你啊，約聽日食糖水唔同我講!」

「淇淇都係啱啱先約我，我本來想打電話同你講，但淇淇話等佢講喎…」肥軒無奈地說。

「你俾左我個電話佢，我都未同你計，仲有聽日我要返工點去啊。」

「你咪請假囉，總之你要嘅野已經到手，你講過話去架，咪撚走數啊。」



我的確與肥軒進行了魔鬼的交易，他有守諾言，我不能沒口齒。但突然請假一定會被人問侯母親，惟有請同事頂更，代價是兩個星期都沒有休假……


翌日我睡到日上三竿，被肥軒的來電叫醒，我立刻起身梳洗。原來跟肥軒約好一起去甜品店，但我睡過時，唯有自己一個趕過去。

我上氣不接下氣的跑到甜品店門口，看到已經在店內的肥軒揮手示意我過去。我緩緩走近，發現肥軒的那一桌已經坐了好幾個人，一個是淇淇，
另一個是跟淇淇長得一樣的…蒂蒂，旁邊還有一個有點熟悉的身影……Nicholas。

今天淇淇與蒂蒂不再以黑白少女的形象示人，兩個人都是身穿米白色衛衣配搭淺色牛仔褲，一身休閒打扮，二人打扮幾乎是一樣，名符其實的影分身。要分辦她們很簡單，因為她們的髮色不同，淇淇是棕色，蒂蒂是黑色。



「有人遲到喎，呢餐係咪應該遲到嘅請啊?」我還沒就坐，淇淇已經率先道。

「你乞衣嚟架?食糖水都想屈。」我回應她。

「唔好嘈啦，我地都係啱啱到，睇下想食乜嗌左先啦。」蒂蒂開聲阻止了一場戰爭。

我點了個木糠布甸，在等候甜品上桌期間，五人你眼望我眼，場面異常尷尬。

我用手肘撞一下肥軒，在他耳邊說:



「點解係呢個組合嘅，我以為今日得你同我仲有淇淇咋。」

「我都係嚟到先知咋，應該係淇淇約掛…」

為了打破尷尬，我開口道:

「Nicholas，你今日又會咁啱一齊嚟食糖水嘅?」

Nicholas遲疑一下，眼神像在問你是誰，為甚麼知道我的名字…

「我係睇戲嗰日同你換籤嗰個人，你記唔記得啊?」我又道。

「哦，原來係你，唔好意思記性差。」Nicholas回應。

我跟他只一面之緣，更何況我又不是女生，正常男人都不會記得一個不起眼的同性。



「唔緊要，係呢，今日淇淇約你嚟嘅?」說畢我的腳被人踩了一下傳來劇痛…

「唔係啊，今日係我叫埋Nicholas一齊嚟架。」蒂蒂代替Nicholas答。

「食糖水啦，咁多口水。」淇淇向我瞪眼。

此時甜品一一上桌，終止了尷尬的對話。

之前的預感沒錯，今天這一約確實不是單純吃甜品，眼前幾個人各懷鬼胎，帶目的前來，而且他們的關係看似錯綜複雜。今天這頓糖水宴恐怕比鴻門宴更難捱…