因為個火山孝子，我識左對孖妹: Ch.23

蒂蒂一坐下就拿起餐單看了看然後點了一堆菜，我和淇淇也沒太多意見…

等上菜期間，蒂蒂去了洗手間…

「你係咪乞衣嚟?冇叫到你都走埋嚟黐餐。」我對著淇淇說。

「我係嚟保護蒂蒂嘅，廢事俾你呢個變態佬食左我個妹啊。」

我不耐煩地問她這是甚麼意思…



「傻嘅都知你想溝蒂蒂啦，我係唔會俾你得逞。」

「你痴線架，你邊隻眼睇到我溝蒂蒂啊?」

「唔洗唔認啦，你頭先嚇餐死個樣就知你鍾意蒂蒂啦。」完全被她說中了…

「就算係咁又點，唔通你可以阻止佢拍拖咩?」我直接承認。

「我而家勸你放棄，係點條明路俾你行。」



她說甚麼啊?現在是演垃圾狗血肥皂劇嗎?甚麼家族禁愛令嗎?

還沒等我開口，她又說出了一個震驚我的事情…

「唔係話唔俾你追蒂蒂，只不過蒂蒂好似已經有鍾意嘅人。」

「吓，邊個嚟架?」我激動地問…

「咩邊個嚟，你地講緊咩啊?」蒂蒂剛好回來。



我隨便說了個藉口敷衍蒂蒂，然後整晚我都心不在焉，一直想著蒂蒂喜歡的是誰…

 
「阿峰，你冇事啊嘛。」蒂蒂喊一喊發呆的我。

「冇事，我去廁所順便埋單先。」我回過神來說。

我走出洗手間剛好碰到淇淇，便追問剛才的問題，她聳聳肩道:

「我都唔知佢冇講過，淨係知係前排嘅事。」

連淇淇都不知道是誰，還是只是淇淇說謊，好讓我放棄追求蒂蒂。但看她的語氣似乎煞有其事，而且是前陣子的事，那個人會是誰…

離開餐廳後，我與她們一同坐車回家，她們家在肥軒的上層，所以是同一方向…



回程在車上沒有跟她們太多交流，主要是我腦袋不斷在想同一件事…

「仲諗緊係邊個啊?」淇淇趁著蒂蒂睡了輕聲問我。

「嗯。」我點頭。

「唔洗咁愁喎，你又唔係完全冇機會，何況蒂蒂應該識左嗰個人唔係好耐。」

「你真係咁鍾意蒂蒂?」淇淇又問。

我有多喜歡蒂蒂?我也不清楚，只是本來就有好感，經過兩星期的了解，對她的感覺變得微妙…這是喜歡嗎?

「係啊。」我猶豫了一下…

「如果你係真心，我可以幫你嘅。」淇淇居然說幫我。



我沒有問她幫我的原因，她真的會幫我嗎?之前只會戲弄我的人，突然轉變態度，使我無所適從…