因為個火山孝子，我識左對孖妹: Ch.27

另一邊廂在K房…

阿峰和蒂蒂出去後就沒有再回來，留下淇淇、肥軒、Nicholas三人。場面十分尷尬，肥軒尷尬的問:

「咁而家仲繼唔繼?」

「唔啦，阿峰應該搵到蒂蒂，雖然唔係照足計劃，但都算叫任務完成…我返屋企先。」淇淇說。

肥軒雖然想和淇淇繼續渡過聖誕節，但見狀只好示意一起回家…



「Ariel，唔好走住。」

淇淇想起身離開時，Nicholas抓著淇淇的手腕阻止她起身。

「你想點啊，放手啊!」淇淇用力掙脫Nicholas的手。

「唔通你仲唔明我點諗?過左咁耐我仲係忘記唔到你。」Nicholas又擋阻淇淇的去路。

「你忘記唔到，唔代表我忘記唔到，都過左咁耐啦，有啲野冇得返轉頭。」淇淇說。



「你唔洗呃自己啦，頭先你聽Rosy嘅表情代表你仲記得以前嘅野，你仲對我有feel架係咪?」

Rosy是Nicholas在和淇淇交往後第一個聖誕唱給淇淇的一首歌…

「記得又點，唔代表我對你仲有feel。」

Nicholas對淇淇的答案不賣帳，又再纏繞淇淇。肥軒見狀上前阻止:

「人地都話對你冇feel，咪再纏住人啦。」



Nicholas一手推開肥軒:

「我同我女朋友嘅事關你咩事?」

「喂!我同你已經分左手，你唔好亂叫。」淇淇又說。

「嗰陣你粒聲唔出就走左，都冇正式同我講分手，點算分左手?」Nicholas反駁。

「總之我同你已經冇關係，你以後唔好再嚟搵我，我個妹都係。」說畢淇淇便離開。

肥軒見狀跟上緊隨其後…

回家路上，肥軒和淇淇沒有說上一句話…大概是二人的內心都在想著一些事情…

肥軒想著剛才在K房的事，又想著淇淇是否對Nicholas餘情未了…


淇淇則因為剛才而想起一些往事，同時內心又不斷掙扎…

18歲那年，淇淇獨自到英國留學。在大學一年級時，認識了同班同學Nicholas，很快兩人對上眼，繼而拍拖。這是淇淇的初戀，她和Nicholas經歷許多的第一次，包括第一次被背叛…

 他們之間出現了一位女生，淇淇與那位女生在二年級認識，後來成為摯友。淇淇和Nicholas拍拖三年，當中不免有磨擦，導致感情慢慢掉淡，情侶間常有的事。
而淇淇的那位摯友不知何時搭上Nicholas，起初Nicholas抗拒她，直到有一晚Nicholas因為跟淇淇吵架找那位女生喝酒訴苦，然後他們發生關係。翌日淇淇找Nicholas時發現二人躺在床上一絲不掛，淇淇沒有聽Nicholas解釋就離開，一星期後直接辦退學回港…

這件事淇淇沒有任何人說過，包括蒂蒂。這段又愛又恨的初戀刻骨銘心，即使兩年後她還是無法忘記，當Nicholas在她面前再次出現時又再勾起這段回憶…