因為個火山孝子，我識左對孖妹: Ch.30

肥軒被我激起鬥志後，又變回之前的狀態。我不擔心他，倒是淇淇經過K房一事，她應該更煩惱吧…

我為甚麼會擔心淇淇?應該是出於朋友的關心吧，畢竟她也有幫過我構思追求蒂蒂一事…

正當我想著用甚麼身份打給淇淇時，她竟先來電…

「邱子峰你係咪傻架，做乜叫蒂蒂繼續鍾意嗰個衰人?」淇淇劈頭第一句就問。

看來淇淇應該知道了蒂蒂喜歡的人是Nicholas，所以稱他為”衰人”。



「吓，咁我都冇權阻止佢鍾意邊個。」我以一貫的想法回應。

「即係你而家唔想追蒂蒂啦?」

「我冇講過會放棄喎，只係我冇得逼蒂蒂選擇我，既然佢仲鍾意Nicholas即係代表我而家未夠好。」我道。

淇淇說我自以為很有道理，其實是怯懦。

「有時有啲野真係逼唔嚟，就算你搿硬得到都未必係好事。」我又說。



「你講野成個老人咁，同你平時好唔同。」連淇淇都說我像個老人。

「平時你惹我先會咁幼稚啫。」

「咁你一定係之前俾人hurt得好緊要，追女仔都睇到咁化。」她說。

我回應她有些事未必要親身經歷，身邊的人事看多了都可以有所體會。例如我父母，這又是另一個故事，別扯遠…

「總之我同蒂蒂嘅事你唔洗擔心咁多。」我又說。



「邊個擔心你，我擔心蒂蒂咋，佢走去鍾意個衰人。」

淇淇說到Nicholas時語氣露出明顯的變化。

「你同佢都過左去啦，雖然我睇得出Nicholas應該仲係鍾意你。」

「唔該唔好再提呢件事，我唔想同佢有任何關係。亦都唔想因為佢同蒂蒂嘈交。」淇淇激動的說。

聽到淇淇的反應，看來肥軒的猜測不是空穴來風，至少淇淇對以前的事還是很執著。

「你同蒂蒂嘈過嚟?點都好，如果你仲執著以前嘅野，會好辛苦，不如向前看，留意下身邊嘅人仲好啦。」

我當淇淇的心理輔導不忘適時的幫肥軒助攻一下…

「邊個話我仲執著…。」淇淇心虛的說。



「係就最好啦，仲有快啲同蒂蒂好返啦，為左一個討厭嘅人搞到同自己關心嘅人嘈就無謂啦。」

「嗯，咁你應承我快啲追到蒂蒂，我唔想佢再搵嗰個人。」

「得啦長氣。」

掛了與淇淇的通話後，我沉思著剛剛答應淇淇是否太倉猝。雖然我沒放棄蒂蒂，但並沒有百分百信心能取代Nicholas的位置…