因為個火山孝子，我識左對孖妹: Ch.38

Nicholas知道有人發現便怱忙溜走…我躺在地上意識有點模糊…

「喂，哥仔有冇事啊?」

意識漸漸恢復，我張開雙目望著眼前一位中年男人…他的聲音有點熟悉。

「冇事。」我虛弱的道。

「洗唔洗幫你call白車啊。」



「唔洗，唞下就冇事。」

我發現自已以坐著的姿勢背靠在牆壁…

「唔該晒扶我過嚟。」我向那位中年男人道謝。

「洗咩客氣，你係軒仔個朋友，舉手之勞啫。」他說。

「你係六叔?你仲記得我?」我記起他是誰…



「梗係啦，我出名記性好。」他自豪的說。

休息片刻，我欲起身，六叔阻止我:

「唞多陣先啦，我叫左軒仔落嚟。」

肥軒下後來第一句是:

「哇，你乜水啊?塊面腫到豬頭咁。」



「扶我返屋企先啦，咁多嗲。」

「睇你個撚樣行唔遠架啦，上我度先啦。」肥軒與六叔扶起我到肥軒家。

肥軒把冰袋遞給我說:

「你唔好同我講你仆街仆到面腫啊。」

我把剛才的事都告訴肥軒，他勃然大怒:

「報警告鳩條仆街啦!」

「你戇鳩架?報警同差佬講我都有份打人啊?」我冰敷著臉說。

「你唔係咁都忍啊?」



「算啦，又唔係好傷，仲有咪同孖妹講啊，唔想煩到佢地。」我不想把事鬧大。

「吓，你為左蒂蒂先搞到咁喎。」

「你試下講，即反面。」說到這份上肥軒也不敢多言。

我又問肥軒結他練得如何借機轉話題，然後教了肥軒一會結他，我在沙發上睡著了。

隔天早上我被電話震動驚醒，是上司的來電…

「邱子峰，死左去邊?咁耐先聽電話…」

我向上司請了病假，我並非故意"射波"。除了臉還沒消腫，我全身也有點酸痛，可能是睡在沙發的原故…要回到我的床睡個回籠覺，離開時肥軒還沒醒，我也沒吵醒他。



叮噹…叮噹…

我在夢中依稀聽到門鈴的聲音…

邱子鋒! 又聽到有人叫我名字…聲音越來越大聲，我才從夢中醒過來。

煩人的門鈴一直響，我開門問:

「邊個啊?阻住我瞓覺。」

「邱子鋒你個衰人，去左邊啊，搵極都搵唔到你。」是淇淇。

「我咪係屋企瞓覺囉。」我搞不清楚她在緊張甚麼。

我打開鐵閘讓她進來，豈料她一進來就抱著我…



我讓她先冷靜，再問她發生甚麼事，她說找了我一整天，我拿起電話看…一堆未接來電和訊息。

我再問淇淇為甚麼要找我，她說肥軒早上不見我所以找她問我的下落，肥軒反被淇淇套出昨晚的事，真是豬隊友…

「仲痛唔痛?」淇淇輕摸我腫漲的臉，我搖頭示意。

「下次唔准再打交，知唔知?」我以為淇淇會破口大罵，但她今天格外溫柔。

「嗯，無下次。」







「琴晚嘅事你冇同蒂蒂講啊可?」我問。

淇淇搖搖頭，我鬆了口氣…

「其實…你係咪仲係好鍾意蒂蒂?」淇淇張大眼睛望著我問。