因為個火山孝子，我識左對孖妹: Ch.43

叮…升降機開門，我與Sandy一同走進升降機。

「佢有心避我，我點搵到佢，你知唔知點樣搵到佢啊?」我延續剛才的話題。

「我都唔知啊，淇淇淨係同我講搬左屋，冇講其他野，佢而家都好少搵我。」Sandy邊按下15樓的按鍵邊說。

「幫我撳埋22樓啊唔該。」我說。

「你唔係嚟搵阿軒嘅咩?」Sandy好奇的問。



我告訴Sandy我是來找蒂蒂，她又用意味深長的眼神看我，為免誤會我向她解釋是因為昨晚的事…她半信半疑。

「咁你嚟搵肥軒，即係你地…」我將焦點導向她。

「咩啊，阿軒幫我整手提電腦，我上嚟攞返咋。」Sandy解釋。

「肥軒個死仔溝女都幾勁，咁多招。」我繼續笑著調侃。

升降機到了15樓…



「冇你咁好氣，我走先啦byebye。」Sandy說畢踏出升降機。

片刻後，我按著蒂蒂家的門鈴…

「咁遲架，仲以為你呃我唔嚟。」蒂蒂開門說。

「我去買左啲料諗住上嚟煮，我一放工就過嚟都未食野。」我指著那袋食材。

蒂蒂說她又要吃，我當然不會弱智地只買一人份量的材料，我預料到她一整天都沒進餐…



我進廚房把食材放下，先準備要用的材料…

「你諗住煮啲咩啊?」蒂蒂突然從後冒出來。

「嚇死人咩，我淨係煮意粉咋，你唔啱食都冇計。」我說。

「唔…你煮嘅我都啱食。」蒂蒂搖搖頭說。

我選擇意粉的原因並不是我喜愛吃，而是煮意粉真的不算難，當然我不是廚師，不敢說味道一流，最少能放進口裡。

我端出兩碟意粉，蒂蒂看到後垂涎欲滴，我便說:

「唔包好食架，唔好咁快流晒口水。」

不出一會，蒂蒂已經把餐碟上的意粉清空…



「你唔夠可以食埋我呢碟。」我指著我那碟的意粉。

「唔洗啦，你肯煮俾我食就好夠。」

蒂蒂一直看著我吃，有點尷尬，便問:

「蒂蒂你想唔想講下琴日咩事飲到咁醉?」

蒂蒂支支吾吾的，我又說:

「每個人都有啲人係唔想同人講，我明嘅，唔逼你。」

晚餐後，我陪蒂蒂坐在沙發上看Netflix，沒有說其他話題。我心中的問題都沒有問出口，包括淇淇搬家的事…但我不想逼問蒂蒂。



我見時候不早，蒂蒂的情緒比較穩定，而我又問不出任何事，便動身回家…

「吓，你要走啦?」蒂蒂失落的說。

「都夜啦，我本身都係諗住嚟陪下你，見你今日心情好似好返啲，我都放心返去。」

「係咪連你都要走，連你唔理我?」蒂蒂拉著我的衣袖說。

「如果你真係搵唔到人陪你，可以搵我，我唔會唔理你架。」我安撫蒂蒂。

「你唔會呃我架可?」她又問。

「嗯。」我點頭承諾。

究竟蒂蒂發生甚麼事?一直想找人陪，為甚麼淇淇又會搬走剩下蒂蒂一個?但問眼前的蒂蒂她都不會說…



之後每天蒂蒂都找我，而且還要求我每天都到她家煮晚餐，而我真的照做，但我偶爾只是買外賣，因為上班真的太累…我並不是對蒂蒂還有情愫而心甘命抵做這一切，只是遵守許下的承諾而已。

這段日子，蒂蒂都在家開台直播，幾乎沒有出門，雖然有點反常，總比她出去喝醉好，但她仍不願意對我說出心事。

直到有一晚，我從蒂蒂家離開後，收到肥軒傳來久違的訊息…

「你得閒就打俾我，我有啲野想同你講，係關於蒂蒂。」

肥軒久久不找我，這次找我卻是跟蒂蒂有關，到底發生了甚麼事…