因為個火山孝子，我識左對孖妹: Ch.56

蒂蒂從廚房把菜逐一端出來，桌上甚麼菜式都有，好比滿漢全席…

「蒂蒂，呢度最全部都係你整架?」我望著那快要塞不下的桌子。

「我一個梗係整唔晒，所以叫阿聰幫手。」

最令我驚訝的不是滿桌都是菜，而是每道菜外表看起來不俗，完全想不到蒂蒂的廚藝有這般水準…

「雖然係我教二家姐整，但係呢度大部份都係二家姐自己搞掂，我都係幫左少少咋。」阿聰說。



我就說之前都是她嚷著我煮晚餐，她的下廚經驗應該少之又少才對，原來背後有人指導…

「你就幸福啦，有人專登為左你學煮飯，仲要煮九大簋。睇下我，我連粒飯都冇人煮俾我。」肥軒突然無病呻吟。

「你個肥仔講咩啊?係咪想一陣冇飯食啊?」Sandy扭著肥軒的耳朵說。

肥軒面容扭曲的向Sandy求饒，我看著他們笑而不語…

所有人圍著桌子就坐…



「為左阿峰出院，我地乾一杯先。」肥軒又站起來說。

眾人用手上載著酒的玻璃杯碰出清脆的聲音，晚餐隨之而開始…

蒂蒂不斷將餸菜夾到我的碟上，又問我味道如何。蒂蒂的舉動，弄得我有點尷尬…但我不好意拒絕她。我試了幾道菜，味道比想像好，可以本身期望不大。面對蒂蒂的好意，我也為她剝了幾隻蝦以示感謝，雖然微不道足…

「唔該。」蒂蒂說。

「洗咩唔該，呢餐你煮晒，剝蝦呢啲少事啦。」我說。



「食餐飯啫，洗唔洗曬到咁啊，下次要帶太陽眼鏡食飯。」Julie說。

「阿軒，我又要食蝦，幫我剝。」Sandy向肥軒撒嬌。

肥軒向我報以一個不悅的眼神…

「夠啦你地，兩pair情侶係到逼害單身人士。」Erica說。

我本來想解釋我與蒂蒂的關係，但阿聰先開口:

「唔好嬲，由我呢位單身狗為兩位女士剝蝦。」

「好彩仲有個靚仔顧下我地。」Julie說。

「你咪發姣啦，嚇親人地啊。」Erica又說。



這頓晚餐有說有笑，在歡愉的氣氛下完結…

晚餐後，我請纓做洗碗工，蒂蒂隨即走進來廚房。

「你煮飯已經搞左成日，你出返去啦，等我洗得啦。」

「一齊洗快啲洗完嘛。」蒂蒂堅持要幫忙。

蒂蒂又問我剛才的晚餐如何…

「好好食啊，估唔到你煮野都有返兩手。」我說。





她聽到後嫣然一笑:

「你鍾意就好。」

「蒂蒂，頭先Erica講我地兩個係…我想講…」我支支吾吾的想解釋剛才事。

「唔洗講…我明架啦。」蒂蒂說。

蒂蒂知道我想說甚麼?那麼她知道我怎麼想嗎?

這一刻連我自己都不知道自己的心意，她怎會知道我的想法，我決定要好好的跟蒂蒂聊一下…

「兩公婆洗完碗啦?」肥軒見我和蒂蒂從廚房出來。

「你地好得閒?咁夜仲唔返去?」我望著他們坐在客廳。



「咁急趕人走做咩?唔通你地想…」肥軒又說。

「想你個死人頭啊，我啱先出院好攰，你地唔返就我返去先。」我說。

他們見我這樣說，也紛紛的同意回去…

「你又話返去嘅?仲唔行?」肥軒在門外問我。

「我有啲野想同蒂蒂講，你地行先啦。」我說。

肥軒聽到後貌似意會到甚麼，沒多說就與其他人先行離去，屋內就只剩下我跟蒂蒂…