鐘意咗女朋友嘅好朋友: 2

但係突然之間有一日，佢返學唔再提起嗰個男仔，而我從其他人口中得知，原來嗰個男仔，有女朋友啦。望住呀瑤卜喺枱面，更不時傳出哭泣嘅聲音，我默默地遞上一張又一張嘅紙巾，但係此時紙巾不能抹去佢嘅眼淚，因為正在流淚嘅唔係佢隻眼，而係佢個心。經過今次之後，我同佢嘅距離，又好似愈來愈遠，但係我都冇乜所謂，當時仍然對佢冇乜感覺。