《瑤瑤》科幻/萌愛: 第五章 找回家的路

第五章 找回家的路

以下的(我 = 瑤瑤)

    第二朝一醒來,都係自己一個瞓咗喺草塔上面, 嗰陣時我喺度諗嗰家朗究竟喺邊度瞓呢, 唔會同我一齊瞓掛, 但係我起身都係我一個人, 都係唔好亂諗嘢, 一早起身就發春夢(紅😝) 。

    我從地牢扒返上地面就見到家朗有型的背影喺度晾緊衫, 著住件藍色緊身都好陽光(眼金金😍😍)。跟住佢擰過嚟Hi我, 佢手上竟然揸住咗我個bra(嚇😱), 嚇得我雙手掩住自己個胸(羞🙈🙈)。

    朗:「估唔到你個胸真係幾大, 我今朝試戴過, 我扣唔到條帶, 但係你個胸肌竟然大過我咁多, 原來幾十年前嘅人類嘅身型係咁樣(噢🙄🙄)」





我畀佢激到啤一聲😤, 都唔知點樣同佢解釋好(汗😓😓)。「好了,我的衫裙應該乾了吧, 我唔想再著住呢件藍色嘢, 我覺得好肉酸!」
朗:「咁好啦, 如果你唔驚死。 不過你依家有咩打算??」

    我呢一刻真係唔知可以點, 但我記得我喺元朗站有一道門行出嚟的, 話唔定我入返嗰度門可以返返去我個時代。

就咁,我就叫家朗陪我去。去到嗰度門係鎖上的, 根本入唔到去(哭😭😭)今次死梗, 唔通要永遠都留喺呢度(哭😭😭)。

家朗不停安慰我話唔緊要啦,我喺呢度有他陪住,而且佢話佢都單身 (佢意思係一個人生活) 咗好耐, 我都想搵人陪。 我心諗條友仔溝女都幾叻㗎喎, 呢個時候氹死人😅😅,但係可能佢只係當我係兄弟🤔🤔, 因為佢根本冇女仔的概念(唉😌😌)。

我:「好啦,既然係咁, 我都想返我屋企九龍城睇下我父母, 照計佢哋過咗幾十年應該都在生掛, 你陪唔陪我去(眼金金🥺🥺)?」





    朗:「九龍城喺邊㗎? 我出世以來都唔會行得屋企太遠的。」

而家所有交通都冇曬應該都冇巴士冇港鐵。突然靈機一觸, 我哋可以沿住西鐵站的路軌咁行行下咪可以返到宋王臺站去到我屋企囉,我諗呀大概行6至8小時應該到喇, yeah我太醒了(太陽鏡😎😎)。

家朗答應說:「好呀,咁你帶我行嗰條路軌囉,不過你想唔想坐我架車?」
吓,佢竟然有車咁正(眼金金😍😍) 就係咁佢係佢屋企個倉庫度攞咗架木制的手推車出嚟, 我唯有話「噢!太好了!」(汗笑😅😅🤣)。

待續~~