《瑤瑤》科幻/萌愛: 後記及製作花絮

後記及製作花絮

大家好, 呢個作品係我嘅第一次。 一開始其實只係玩玩下嘅心態, 只係想用四格慢畫方式, 希望帶畀網友每日輕鬆一笑。 直至大約第五章, 創作時間期間不斷都喺度探索讀者的喜好, 同埋一啲讀者網友私下交流, 佢哋都有好多好搞笑嘅問題, 亦都對劇情有些少要求, 所以後來認真返D去創作了。 以下的Q&A 是一些創作時的花絮, 比大家笑下, 哈哈!!🤭🤭

Q: 個題材背景係元朗同埋喪屍,你唔怕畀人話係影射緊政治事件咩?
A: 我本身不是打字或寫字, 而是用語音。 由原來想讀出"元朝", 卻出了"元朗", 我見元朗都幾搞笑就冇去改, 照用去了🤣 我真係完全冇諗過同果件事件有關😎

Q: 有人建議劇情, 因為屯馬線開通, 所以出現了結界
A: 我都比佢整笑咗🤣, 呢位讀者爆笑度好合我風格, 建議也好爆笑😂





Q: 藍衣人係咪"任何人"?
A: 係呀, 一心只係覺得搞笑, 其實冇大方向諗後面劇情, 後來寫返呢件係高科技產品完事算😝

Q: 點解瑤瑤第一眼見到成身藍色的人唔驚, 比着我會認定係變態佬🤭
A: 不好意思, 在我看來係搞笑, 未照顧晒所有讀者, 同埋我頭果幾張實在太求其了😅

Q: 你原來係寫咸故? 又車震又摸胸
A: 我的宗旨係要有甜酸苦辣咸, 一開始咸都係想有吸引性和話題性。其實當中好多讀者反而話唔夠details(唔夠咸, 我心諗你自己落鹽啦🤭), 但係一味咸冇啲劇情真係唔係咁有好結局。你哋等續集啦, 試下加多啲🤭🤭

Q: 第八章終於有第三者了, 用水槍打喪屍有驚喜🥳




A: 前面要舖排, 集好一班讀者眼球👀後, 第八章就是起承轉結中的另一階段。水槍冇咁血腥同埋有趣, 我中意!☺️

Q: 詩詩係一個點嘅女仔?
A: 家朗是單純的, 而詩詩係需要依賴人21歲的女仔, 比家朗大1年, 佢哋撞出來有搞笑效果。佢哋兩個都係當失去咗就更識得珍惜身邊人。詩詩只求需要歸宿, 在家朗面前有扮矜持, 詩詩作出挑逗性言語看睇得出。 在結界裏, 因為沒有生老病死, 所以詩詩與ex咁耐都冇BB。在結界簡直是無限做的天堂🤣🤣

Q: 讀者成日當咗我係瑤瑤, 話我離家出走咁大膽😅
A: 現實上的我係成年人, 我中意做咩就做咩囉🤣 我又唔係瑤瑤!!

Q: 女主角同男主角去到第九章, 只係相處左3日...其實好難講得上咩愛意...
A: 少女心事, 年少無知係咁㗎啦, 否則點會有咁多無知少女被動心呢, 得閒去多啲情情愛愛版睇下啦🤭🤭





Q: 回到家, 見到未來的自己好有驚喜, 但好可惜死咗😢
A: 成功了, 搞到讀者受"苦"一下🥳

Q: 老婆婆的角色好似未完?
A: 老婆婆,即係外星人。佢哋背後的陰謀, 本故事不會多交代了, 留空間比大家幻想吧! 有機會可能續集講。

Q: 地下空間係咪禁室培欲🤭
A: 力斯在電腦內睇晒瑤瑤每一刻, 包括沖涼。 所以由愛慕變了猥瑣的眼光🤤。反而主教(即大結局的粉紅主教)是沒有看過瑤瑤裸體, 所以依然懷有純真的愛慕💞。

Q: 力斯應該有更聰明的辦法得到瑤瑤吧?
A: 力斯只係傀儡, 小灰人係整件事的幕後。其實力斯只係個毒男,傻仔,一d都唔聰明, 兼冇技能, 係果d比人呃10幾萬join健身會籍果種。 力斯只係呢部電腦的user, 佢咩都唔知的。 雖然本故事20章已寫完, 但都不會交代小灰人目的和計劃, 神秘感要永遠留在你們心中

Q: 結界內的人可否走出現實世界?
A: 結界入面嘅所有嘢, 都係被現實世界用電腦推演, 再做出嚟的, 包括裏面人嘅"心靈意識"同埋"physical的body"。其中physical body係不可以走出呢個結界的, body只係結界內的"衣服"。例子: 試想想你打機時, 遊戲內的人物能否"走出來", 但係電腦內存的"記憶"是可以移植的, 包括筆者(我)幻想可以移植到人體內。





Q: 有關詩詩的出場太少了,還以為有爭仔劇情睇…
A: 想不到咁多人關心詩詩。好, 如果有續集會寫返佢爭仔😚

Q: 為甚麼想到用血對付Black Zero
A: 筆者寫果時咁啱M痛得好辛苦時的頭緒, 而且都覺得幾搞笑, 所以就地取材😝

雖然《瑤瑤》呢個小說大結局了, 但係聽日開始我會上載《不一樣的記憶》,是《瑤瑤》小說嘅家朗外傳。裏面會詳細交代家朗同瑤瑤係呢20年裏面發生嘅事, 情節更加感人, 希望大家可以去欣賞thank you!!

再次感謝支持!! 你的讚好和分享對我是很好的支持!!

💞karenchan