【校園】【愛情】【0甜】【日常】能讓我重遇你多一次嗎..: 第九章

「我哋等陣睇咩啊」阿彤拉住我隻手問

「不如我哋睇新嗰套蜘蛛俠？」我諗咗一諗之後答

「蜘蛛俠？！？！聽聞三代同堂，應該幾好睇，嘿嘿」佢露咗一副痴漢嘅樣

「你都係睇仔咋嘛」我隨口就話

「嘿嘿，俾你發現咗添」佢流晒口水



我拍一拍佢個頭，然後示意佢繼續行

「行快啲啦，就嚟冇位啦」佢好心急咁話

我哋即刻跑過去戲院

「請喺螢幕揀位。」職員問我哋

「不如我哋就坐最後嗰啲位？」阿彤拉住我隻手講。



「好啦好啦乖」我示意佢停手

我哋買完飛，就周圍行吓，費事呆等

跟住我哋去咗一間cafe坐低

「我可唔可以食蛋糕呀」阿彤好嗲咁樣問我

我冇答佢，摸咗佢個頭一下，然後我出咗去落單。



返嚟嘅時候攞住一件蛋糕，兩杯朱古力

「咦，點解多咗杯朱古力嘅」佢好期待咁問我

「冇呀，諗住俾你一邊食一邊飲咋」我答佢

跟住佢都冇乜講嘢，不過食嗰陣多咗一個甜笑

「快啲食啦，再唔係趕唔切㗎啦。」我溫柔咁叫佢

佢即刻好快食完，然後拖住我隻手一齊行

「點解你對我咁好嘅？」佢疑問咁問我

「冇呀，見你幾得意，所以對你好少少。」我笑住咁對佢



由於戲院劇情不宜劇透，所以唔會講好多關於戲嘅嘢。