倒流重遇妳: 楔子

2021年7月21日，一個男仔訓喺張床上面，久久不能入睡。深邃嘅眼睛，濃密嘅眉毛，喺香港尼講算係幾靚仔，起碼不比最近紅遍香港嘅組合「十二塊鏡」中任何一位成員遜色。


佢訓唔著，所以冇拉埋窗簾，窗外微弱嘅燈光將佢嘅身影投射喺隔離埲牆度。房門後面貼左個鐘，秒針努力地跑動，分針同時針咁啱重疊指住「12」，相信呢個時候好多人同佢一樣訓唔著覺，因為當陽光照入佢地間房嘅時候，佢地嘅人生就會迎來極大嘅轉變，因為呢一日，係

DSE放榜日

訓喺床上面嘅呢個男仔，亦都知道佢嘅人生即將改變，但佢估唔到嘅係，會係「咁樣改變」