「你好,請問係咪Kenny?」
 
「是的,請問有甚麼可以幫到你?」
 
「你好,我叫阿成,聽聞你可以幫人搵到任何事情嘅真相? 」
 
「又唔可以講係任何真相,都要睇件事本身嘅難度嘅,太難或者太複雜嘅其實都未必得架。 唔介意嘅或者可以講下係咩事我先再答你?」
 
雖然這能力確實能讓我找到大部份事情的真相,但凡事不應說得太滿。而且有時事實和真相,還是能存在著差異。
 




「問題其實唔複雜,我只係想知道我母親到底仲係咪在生啫…」阿成帶著點哀愁說道。
 
「貴母仲係咪在生? 你可唔可以講清楚D?」
 
「件事係咁嘅… 其實由我有記憶開始,我都未見過我阿媽。由細到大我老豆一直都同我講我阿媽係我一歲果年就因為交通意外過左身,而我亦一直接受左衣個事實。但到近排有一日,我唔覺意係老豆咁岩行開左嘅時候睇到佢電話彈出左一個黎自”衰婆”嘅訊息,內容係講 “阿輝,你已經半年無send過阿成嘅相比我喇,求下…” 由於我解唔到鎖,所以後面嘅內容就睇唔到了。」阿成開始緩緩解釋。
 
「就係咁所以你懷疑佢就係你阿媽?」我覺得這理由並不夠充份去作出他的懷疑。
 
阿成:「當然唔係啦,我初初都完全無咁諗,但就好好奇到底邊個會成日想要我嘅相。於是老豆返黎果陣我就笑笑口諗住玩下佢問佢邊個係衰婆,係咪係出面收埋左個女人唔出聲,同埋點解佢會想要我嘅相。點知佢聽完即刻臉色大變,好惡咁鬧我做咩偷睇佢電話,然後就拎左個電話入房。
 




隔左陣佢就出返解釋話衰婆係佢新識嘅女人,所以對方好好奇佢個仔係咩樣。 雖然佢閃閃縮縮嘅反應好似真係有左個新女人咁,但我就覺得好奇怪,因為咁多年我老豆都無搵過第二個,點會突然間識左個新女人? 就算真係緣份到比佢遇到第二春,但真係會叫人做”衰婆”? 而且個訊息有講”半年無send過”衣個資訊,即係半年前老豆係有send過我D相比佢? 咁就同老豆所講”佢想睇下我係咩樣”衣個原因同埋係”新識嘅女人”衣個講法有矛盾。所以我相信佢係有野暪住我… 」
 
「咁你點解突然會諗果個就係你阿媽?」我再問道。
 
阿成:「唔好意思,我應該講多少少背景。其實對於我阿媽去世一直我都有好多疑問… 因為一直以黎,我阿媽都無相無龕位,好似全屋甚至全世界其實都無佢真正存在過嘅痕跡咁… 
 
我細個有問過老豆關於阿媽嘅野,但佢答親都係話佢死左喇,果陣窮所以無影過相等等,然後當我再追問佢就會開始發脾氣鬧我… 就算係我D親戚面前,我阿媽好似都永遠係一個禁忌咁。我細個試過偷偷咁問佢地阿媽嘅野但佢地永遠都係叫我自己問返老豆然後乜都唔肯講…久而久之我雖然覺得好多野唔合理但都唔敢再問,慢慢亦接受左老豆個解釋… 
 
直至我將近期衣件事同我女朋友講,佢突然靈機一觸同我講會唔會我媽咪其實一直未死,而果個”衰婆”就係我媽,我先開始醒悟,然後越諗越覺得衣個推斷合理。 不過我唔敢再問我老豆,而且我知問佢都唔會講真話,咁岩聽到有人講起你,咪諗住睇下可唔可以搵你幫手囉…」
 




「咁你阿公阿婆呢? 你阿媽應該總會有D親人掛?」答應他前我再提出了一些疑點。
 
「老豆話識阿媽果陣佢已經係得自己一個,連佢地結婚果陣都無見過佢嘅任何親人喎…」阿成說的時候好像自己亦不太信服這解釋。
 
我:「咁佢地連結婚果陣都無影相?」
 
「佢話果陣個攝影師幫佢地影完相後第二日間公司火燭,所以最後咩相都無晒喎… 之後佢地有諗過補影,但好快阿媽就有左我,而到到生完我無耐佢就過左身了….」阿成再次無奈答道。
 
「… 咁你先比你老豆張相同埋一D基本背景資料我,我預備好再話你聽。不過講定先,你之後點都係要親口再問佢一次我先幫到你…」我把要求預先告訴了他。
 
「無問題,最多都係比佢鬧多次啫…」阿成苦笑了一下。
 
疑點確實很多,而且這個委託觸動了我內心的某過位置,所以這次我決定不收取他任何酬勞。
 
 




阿成的老豆因年紀太大現在只是在某停車場裏任職保安,所以要騙他我用了一個最簡單的方法。
 
「你好,我想報失架,我岩岩發覺唔見左張八達通…」
 
「衣度填低資料啦,我地如果執到會通知你架喇。」他的眼神從枱上的報紙移師到我身上停留了約半秒鐘,給了我一張白紙,然後便又回到他的報紙上。
 
「填完,唔該晒。」我草草寫了一個電話號碼給他便離開了。這應該是我暫時用過最簡單的大話了。
 
很快我便和阿成約好了,明天早上他會在和他老豆一起飲早茶時,問出他想知道答案的那個問題。而為了確保我能在阿成老豆的十米範圍內,我故意叫他找了一間比較少人又不用人帶位的舊式茶樓飲茶。
 
 
一切看似準備緖,不過第二天當我出發上了巴士預備拍八達通的時候,我卻找不到自己的八達通。
 
(死喇,到底係幾時唔見架呢?) 
 




我忍痛地在巴士的收銀箱放下那張已是現在銀包裏最少面值的50蚊紙,然後找了個位置坐下並苦惱著自己到底是甚麼時候不見了八達通。今時今日不見了八達通確實是不甚方便,可惜到下車時我仍沒有任何頭緒。
 
就在我剛到茶樓看見了阿成及他老豆並找了和他們距離不算太遠的一張空枱坐下的時候,阿成老豆的樣子讓我突然想起了一個比不見了八達通更加大的問題。
 
(大鑊! 我真係唔見左八達通咁琴日果個咪唔算大話!?)
 
這個啟動條件其中一個最麻煩的地方是當你失敗了第一次因而要嘗試第二次的時候,難度其實會以倍數上升,因為對方很大機會會提高戒心。而現在的情況更加是連讓我去修正錯誤的時間都已經沒有了。
 
現在最關鍵的應該是到底我是在甚麼時候不見了八達通?若果是在昨天到停場車後不見,那便是大話,但若果是之前已經發生,那便不是大話了。媽的,早知昨晚便堅持搭巴士而不搭的士回家吧! 若昨晚便能發現那自己還可以有些時間去作出補救… 這時我又想若我昨天留下的是真的電話號碼,那昨晚會不會收到電話告知我找到我的八達通?
 
「老豆,不如你老實講我聽,阿媽其實係咪真係死左? 點解咁耐以黎,佢好似乜都無留低,甚至根本完全無存在過咁?」
 
當我還在想辦法的時候,心急的阿成在看見我到達後便急不及待地問出了他很想知道真相的問題… 莫非今次我的金漆招牌真的要被打爛了?