「你好,我叫Alfred,請問你係咪可以幫手查人?」
 
「你好,嚴格黎講我唔係去查一個人,而係可以幫手調查你想知嘅真相。我唔會無啦啦去查一個人睇下佢有咩嗜好或者秘密架。」
 
我必需澄清我是幫人查找真相而不是去調查一個人,只是有些時候真相與人本身是息息相關所以才需要我去調查一個人。
 
不過在起初接受委託時,我其實並沒有分得這麼清楚,直至我發現這個能力是有它的限制後,我才知道有些界線是我不能越過。我記得第一次出事,是接受了一個女仔的委託。
 
「我想查下我個ex,當年係咪處心積累灌醉我然後帶我去左酒店…」
 




這個女仔叫Winnie,從她所講,縱使她的ex很努力地追求她,但一開始的她對他其實並沒有甚麼感覺, 直至有一次在朋友酒局中,他們都喝得大醉,然後第二天二人發覺自己身處在酒店並已經發生了關係,她才願意給了他一次機會嘗試和他在一起。不過在相處下慢慢地她又覺得對方不錯,所以也就開始越來越投入,誰知一年後男方突然提出了分手。
 
雖然傷心,但Winnie本身並沒有甚麼想法,直至不久後她的一位朋友告訴了她自己和她的ex因醉發生了關係,她想接受對方但又害怕Winnie介意所以想問她意見,Winnie才因劇情太熟悉而開始有了這懷疑。
 
而在一輪調查後,我發現這位ex真的是賤男一名。
 
「你嘅懷疑係正確,你個ex慣常都係用衣招去追女仔。而且你地果晚其實唔係飲醉咁簡單,因為我發現佢係會落好輕微嘅催情藥係目標嘅飲品度… 佢好鍾意咁同佢嘅目標以朋友身份發生第一次嘅關係,然後再用情侶身份同目標發展感情同關係,到到對方對自己越黎越認真佢就會分手,因為… 佢覺得自己咁就好似征服左對方嘅身心咁,由唔太鍾意自己變成被自己馴服左… 佢透過咁得到好大嘅滿足同征服感…」我把這男人的戀態心理直接告訴了這位小姐。
 
其實當時當我一說完,我的頭便已立刻感到一陣暈眩,然後整個身體都開始標冷汗。於是我只好草草和女事主交待了兩句便起趕回家休息,誰知這場病一病竟然便是一個多月,吃甚麼藥也沒有效用。而最糟糕的是當我在康復後再接受新委託時,竟然發覺自己失去了讀心的能力。
 




當時我很徬徨,亦有怨過上天怎麼我還沒找到曉嵐的真相便把我的能力收回。不過在又過了個多月後的一天,我發現我的能力又回來了。起初我有想過會不會是使用太多的原因所以做成了反效果,亦因而開始更嚴謹篩選自己會承接的case。不過在過了一段時間後的一次,我發現我又再案發重演經歷了同一樣的情況。而那次接受的委託是幫委託人調查對方有沒有真的喜歡過自己。
 
「無,佢一直嘅目的都係呃你蝦條,同埋想報復你一開始睇佢唔起係咁串佢,所以佢先發奮一定要追到你攪完你再拋棄你,佢想睇到你傷心同大受打擊嘅樣…」 這是我頭暈前的說話。
 
那次後,我開始懷疑這與我的調查內容和說的話有關係,因為兩次也是在向當事人說完調查結果後立刻發生。然後在反覆再試驗了兩次後我終於得出了不可以對第三者說出被讀者的真實情感和想法而只可以說一些factual的資訊這結論,不然自己便會大病一場並失去能力三個月。自此我便很小心選擇委託的任務和告訴委託人答案的內容。
 
 
前事說完,故事回到Alfred的委託。
 
「明白。咁如果我想知我女朋友有無野暪住我呢?」Alfred聽完我的解釋後又問道。




 
「有無d具體D嘅例子? 或者點解覺得佢有野暪住你? 唔係我好難有方針去查架喎…」若是問女朋友有沒有出軌我可以幫他,但若是問我她為甚麼要出軌,有沒有喜歡過他之類的問題那我便未必可以了。
 
「件事其實係咁嘅,我同女朋友係透過app識,都一齊左年半有多。本身我地都幾開心,不過大約兩三個月前,佢媽咪突然中左風入左醫院,當時都幾嚴重下,好彩住左大概一個月醫院後就出左院。不過佢仍然行動不便行唔到,同埋要keep住做物理治療。而自從佢出左事後,女朋友就好忙,近衣個幾兩個月我覺得佢成日好似好累咁,少搵左我,覆message又慢左,有時仲會突然成晚消失左,到好夜先出現返。
 
其實衣D我都理解,始終屋企人有事要佢照顧。不過我問佢有無咩事,有無野我可以幫手佢又次次話無… 我其實係擔心佢有困難唔同我講自己頂晒,驚佢太辛苦又無人幫手分擔,所以想睇下有無野可以幫下佢咋…」Alfred說出事情的始末。
 
「咁你都係為佢好啫~你有無試過同佢開心見誠咁講?」
 
「當然有啦,不過佢淨係話累之後就唔肯再講其他野… 但直覺話我聽佢一定係有其他問題,只係可能唔想我擔心所以唔想講我聽…」Alfred帶著點憂慮說道。
 
「咁… 係咪應該都尊重下佢主觀嘅意願?」這是我的真實想法。
 
「我初初都係咁諗… 不過見個情況好似越黎越惡化,同埋大家距離好似都有d越黎越遠… 其實係我同朋友傾開佢話你或者可以幫我手所以我先搵你,我唔係想查佢d咩,只係擔心佢想可以幫手分擔下佢嘅重擔,咁我估對佢同對大家嘅關係都好…」Alfred解釋。
 




「嗯… 咁我試下啦。你轉頭比佢一張相同少少背景資料我呀,不過我之後都會需要你親身問佢一次你想知答案嘅問題…」見他也是擔心女朋友,而且我可以在了解事情後才衡量告不告訢他事實,於是我便答應了他的委託。
 
「好…」Alfred若有所思地應了一句。
 
 
 
Alfred的女朋友Ceci大學畢業剛不久,現正在一間小學做老師。而為了有機會接近她,我只好像痴漢一樣在她任教的小學附近不斷徘徊。幸好不用等多久她便出現在我的視線中。Ceci有著一副高瘦的身型,膚色潔白,目測應該有接近170cm,而臉上則是一副仍帶著點稚氣的清純漂亮臉孔。雖然她今天穿著長裙,但不難想像裙下應該是一雙非常修長的長腿,不得不稱讚整個package是有一定的吸引力。不過從她的臉容,我確實能看見一種疲態在當中。
 
「小姐,可唔可以問你拎個電話號碼?」我走近了她像個痴漢直接問道。
 
「下?」她有點被我嚇到,像聽不清楚我的話下了一聲。
 
「我頭先一見到你就覺得你好靚,好想去認識你,唔知你可唔可以比個機會我識下你呢?」於是我把話說得再直接點。
 
「唔好意思,唔係幾方便嘅…」明顯地她真的開始被嚇倒,開始急急腳想走。




 
「對唔住,我可能有D唐突嚇親你… 只係我真係覺得你好靚好吸引我先忍唔住想問你拎電話架咋,嚇親你唔好意思…我真係唔係有心想嚇你架…」我嘗試邊追著她邊解釋度。
 
從她的外貌和觀感,我相信她對自己的外表是有一定的自信,所以我本身只是打算扮成痴漢讓她相信我對她有興趣想認識她,然後等她被嚇怕便應該會急急腳地離開,這樣事情的前設便能完成。誰知當我說完後正目送著她離開時,她走了一會後卻突然停下了腳步,然後回頭對我說
 
「你… 真係想識我?」
 
「係呀!」有點始料不及她會有反應,不過我只能繼續裝下去。
 
「咁…你比你tg我,我考慮下add唔add你啦~」然後她便突然露出一個甜甜的笑容對我說道。
 
為了繼續演下去,我只好把自己的tg account給了她,然後她便急急腳離開了。
 
 
其實由她問我拿tg那一刻起,我已有種預感Ceci也許並不如我和Alfred所想那樣簡單。而在那一晚,我收到了一個不知是誰給我的tg message。




 
「Hi~」
 
「Hello 你係?」
 
「今日比你問抄牌果個女仔呢~」
 
「oicic! 多謝你肯add我呀!」
 
「我見衣家咁岩悶咋~你做咩架? 點解無啦啦會對我有興趣嘅?」她的熱情讓我有點始料不及。
 
「我係政府做Engineer嘅。唔知點解,今日第一眼見到你就覺得你好靚好清純比你深深咁吸引住~  其實我平時唔係咁主動嘅人黎架,真係第一次會咁, Hi你之前我都掙紥左好耐…但諗諗下我驚miss左衣次機會以後都唔會再有機會認識你,所以先鼓起勇氣去hi你…」我裝作害羞說道。
 
Ceci:「有無咁誇張呀! 我真係有咁吸引咩?? 政府做Engine人工好似都好高架喎~」
 




我:「無誇張呀,我驚嚇親你己經就住講架喇,其實真實情況係比我講嘅更有心動嘅感覺~ 高人工? Ok啦,咪又係打工…」
 
Ceci:「唔信你呀! 咁你平時係做D咩?」
 
我:「我係渠務署做,都係批係D工程項目咁啦。你呢?」
 
Ceci:「好似好勁咁喎! 我係小學教書架咋…」
 
我:「原來係為人師表! 失敬失敬! 成日覺得教小學要好有耐性同愛心先得…」
 
Ceci:「還好啦,不過真係要幾有耐性嘅,唔係對住D小朋友會嘔血架…」
 
我:「你咁有愛心同耐性,做你男朋友應該好幸福~」我開始嘗試誘導她看看她會不會主動告訴我她有男朋友。
 
「做你女朋友好似都幾幸福呀~」不過她並沒有,而且還主動和我互flirt。
 
「咁係咪有興趣?」我乘勢主動出擊。
 
Ceci:「咁快? 哈哈,再認識下先啦~」
 
我:「好呀,搵日出黎食飯?」
 
Ceci:「可以呀,不過近排比較忙,要安排下先得。」
 
我:「學校好忙?」
 
Ceci:「唔係呀,我媽咪前排中左風岩岩出院無耐咋,所以衣家差唔多晚晚都要返去照顧佢呀…」
 
我:「oh… sad to hear that… 咁佢有無事呀?」
 
Ceci:「暫時情況都穩定嘅,不過行動不便同埋要keep住做物理治療囉,希望慢慢行得返啦…」
 
我:「咁你近排一定好忙好辛苦,又成日要擔心…」
 
Ceci:「係呀… 所以間唔中要放縱出去玩下先得…」
 
我:「好呀,等你得閒我同你出去玩餐勁嘅~」
 
由於Ceci的主動讓故事發展和預期有點出入,於是我跟Alfred說要稍為延遲計劃,好讓我能搜集多一點的資訊。