考牌啦: 實習-Case 2 (7)
玻璃的另一邊的吊燈亮起，房間有一張金屬長桌和兩張椅，各放在桌的一端。房的兩側各有一扇門趟開，一邊進場的是面具女士，而另一邊進場的是被投訴人-惠賢。二人進入房間後，面具女士毫不拖泥帶水直接放下文件在桌上，並坐下問「你係惠賢女士？」惠賢簡約地觀望一下四周，沒有表露出任何驚慌的情緒。她回應「我係」，說完才優雅地稍微拿高椅子，輕輕地放在離桌遠一些的位置，整理完才慢慢地坐下。她的行為每一步都不快不慢，絲毫沒有做作的感覺，就如已寫下的劇本一樣，本應如此。面具女士開始發問「請問你係點接觸精神壓力測試？」惠賢冷靜地回答「我讀大學選修的科目是精神壓力。」 「你點睇你兩個仔的精神壓力？」「依個世代的競賽依然好激烈，青少年都要承受壓力」 「但你個兩個仔的測試表示佢哋無咩壓力？」「因為佢哋本人極具抗壓能力，而我協助佢哋咁好好繼續提升依方面的能力」 「有無啲例子？」「我培養佢哋有自我對話的時間，同埋有良好的作息時間」 「你覺吾覺你係到操縱緊佢哋？」「我好尊重佢哋的意願，我只會係佢哋想發展的路提供幫助」 「咁點解佢哋所有的結果都咁標準？」「我吾係好理解你想問咩，我認為佢哋都極其優秀。」 「你應該知道精神壓力測試無可能次次都到達標準」「佢哋有抗壓的天賦」 面具女士這時雙手拍枱，聲量再增加「你都應該知人的抗壓能力再高，都吾代表壓力的數值吾會上升」惠賢聽見拍枱的聲音後稍微皺一皺眉頭「但係抗壓能力高，壓力指數都會下降得極快」 「你應該明白依家個情況？有啲野其實講左會好啲。」「你的問題我都有答，我無隱瞞我點培養我兩個仔」 兩人不斷在對話中交鋒，無論面具女士怎樣詢問怎樣試探，惠賢的的答案都沒有絲毫的破綻。在玻璃的另一邊三人都聚精會神觀察及聆聽，但也未想到有什麼其他方法。 「多謝你的協助，你可以返去休息一陣先。」面具女士好像已經用盡所有辦法，決定請惠賢先離開，要從其他方面入手尋求答案。