考牌啦: 實習-Case 3 (2)
［投訴人 婕妤］投訴人與其丈夫在一年前離婚，在法官考慮兩人的財政及個人能力後，將撫養權判給其丈夫甘鑫。投訴人認為其前夫只懂用錢解決問題，認為這種教育方式對其女兒的成長十分不利，認為他不適合當父親。 「睇哂啲資料未？」Tiffany問夢「都睇左啲啦...」「咁講下你點睇」「咁快我未必落到好準確的結論」對於第一天的經歷，夢仍然印象深刻，為了避免再次踏入同樣的陷阱，夢決定先不說出任何偏頗的決定。「咁你會係邊個人開始調查先？」Tiffany依然沒有打算輕易放過夢。夢心裏很想說三人都需要調查，但望著Tiffany的眼神，夢知道這種取巧的答案是過不到關。看見夢糾結的樣子，Tiffany決定繼續追問「未來作為一個核牌員，你都需要自己作出一個準確的決定，咁三個應該邊個開始先？」「甘鑫先？」看見Tiffany貌似不耐煩，夢決定先選一個。「原因？」Tiffany面無表情地問。「因為佢係俾人投訴個個，所以...」看著Tiffany的樣子，夢越說越細聲，越來越沒有底氣。Tiffany輕輕歎了一口氣，問「你有無睇到個官判左撫養權俾邊個？」「甘鑫」「咁佢哋幾時離婚？」「一年前」「個時有左牌照署未？」「有」「咁你覺得佢哋各方面的評級，個官會吾會考慮？」「....」「所以依種情況一定係查婕妤先。如果佢真係咁關心佢個女，就吾會等左成年先黎依度投訴，大半年前就已經可以上訴。」Tiffany說完後，便指一指電腦。「我已經申請左拎多啲佢背景資料，你晏少少就會收到，你今朝盡快睇完手上啲資料先啦。」-------------------------- ［婕妤］家中排名第三位，有一位哥哥和姐姐。家中曾經家道中落，在其姐姐掌管下，家族事業重新振作。中學時曾有幾段男女關係，其中一人懷疑是幫派人士。在某派對認識了甘鑫，兩人一個月後立即結婚，二人生了一個女兒。之後曾有一段時間長期不在和城，在女兒八歲時，二人離婚。