考牌啦: 實習-Case 4 (1)

「夢，要走了」「EZ早晨」夢剛進門口打招呼，便被EZ拉出門口。 「吓，我地去邊？」夢一臉懵然問「學校，你可以做番你擅長的野啦」EZ帶着一如以往的笑容說。 「要遲到啦，快啲上車」EZ邊說邊推了夢上車。 「我今日要做啲咩？」夢於開車後忍不住問。「依排睇左咁多電腦，坐左咁耐，你係時候要郁下。成袋野都係你的」EZ用眼神示意夢打開座位下的袋 夢將袋內的物件逐樣拿出。第一樣是一張圖片，上面有一位可愛的小男孩，笑容極其燦爛。 「佢係？」「今次調查的目標之一」EZ面無表情說 夢繼續在袋拿出物品，第二樣是一張校園工作證，上面已經印有夢的樣子，當然面容已作出一定的調整。 「咦？有工作證，我今次要做咩角色？」「你睇哂袋入面啲野先啦，咁快問野」EZ繼續彊硬地維持無表情的樣子。 夢拿出袋內最大的物品，這是一套制服，上面印有口口清潔有限公司八隻中文字。 夢仔細看着制服，再望看EZ，一臉困惑的日子。EZ斜眼看着夢的表情，臉上飄過一秒的笑容，轉迅即逝。 「你頭先係咪笑左！你突登的係咪！！」夢回想起剛入職時被一羣清潔工支配的日子。 「無，你睇錯。我好專心咁揸緊車。同埋依個係工作需要，你咁啱今次編到俾我，所以先有機會俾你做，如果吾係我就可以自己黎。幾多人想咁做都吾俾做，你執到啦」EZ輕鬆地答 「咁點解吾可以直接用資料室睇？學校應該全部都有，吾洗用咁多時間啦」夢繼續掙扎說 「你覺得單憑依家資料室睇到的畫面就可以感受到所有野？」EZ反問 夢回想起上次與甘鑫的對話，那是單靠著屏幕的畫面觀察不到的溫度。 看見夢沉思，EZ打蛇隨棍上說「係咪啱先，所以努力啦今日，好好觀察目標，睇下佢的性格，有無咩特質。」 正當夢想再詢問多一些詳情，EZ便停下車推着夢說「到啦，快啲落車換衫跑入去，如果吾係真係遲到啦」 看見夢下車後欲言又止，學校傳來悠悠鐘聲。EZ大喊「快啲啦，鐘聲前要入去！」夢聽到也唯有一邊換衣一邊衝進學校。