考牌啦: 實習-Case 4 (12)
「吓，咁的投訴我地都要接受？」夢一臉不滿「按佢哋的說法，如果話李昆同其他學生唯一的吾同係李昆媽媽的教育。咁即係代表李昆的比其他人優秀源自佢呀媽。但因為李昆有某啲方面吾合佢哋心意，就想要罰佢阿媽？咩邏輯？」 EZ解釋道「但係依家的教育評分黎講，指標已經吾係剩係講學業成績，係包括埋性格，處事方法依啲野。你頭先全日的觀察應該都見到，李昆係遊離於整個學生團體之外，完全無同其他人有交流。出到黎做野，咁的性格並吾討好。所以作為最大促成李昆咁樣的性格的媽媽係依件事上面，俾人投訴係邏輯上係講得通」 夢在腦中拼命想，但想不到任何方法去辯駁，一道怒火在胸口燃燒，但卻沒有位置讓他抒發。 看見夢這樣，EZ拍一拍夢說「你吾好咁怒先。如果交俾其他組的人，有可能見邏輯上講得通，就會快速咁批左個投訴，罰左阿媽。只不過，依家依單野係由我哋負責。你都見過我點做野架啦，要真實咁接觸過啲人先再交報告上去。」 夢的心情立時由陰轉晴說「咁係咪可以吾罰阿媽啦？」 EZ聽到後扶一扶額說「你有無聽我講架，邊一句講可以吾罰。我的意思係，你應該有見過我之前跟餘塵單野的時候做的記錄。」 看見夢點頭，EZ才繼續說「你應該都見到我做左頗長時間的紀錄。而依一樣野，就係我哋工作範圍內可以爭取到的野。」 聽到這裏，夢的心情再次低落「但就算爭取到時間，又可以改變到啲咩。吾通去叫李昆扮融入其他同學？雖然我剩係識佢一日，但係依種性格的人先吾會長期做啲咁的野。」 EZ說「你記吾記得餘塵我哋查的範圍？吾只係被投訴人，投訴人同佢有關係的人我地都有權去查。咁只要有辦法證明投訴人做轉的野或者講的野無公信力或者背後有咩目的...」 夢接着就「就可以令到依個投訴吾成立，咁我哋依家就去查投訴人！」