考牌啦: 實習-Case 4 (22)
「點解我入到黎？有門卡我未入到黎囉」只見玫瑰走近鏡頭再調整一下---「點解佢會整到個鏡頭？」夢好奇地問「因為佢係用手機錄片，而錄的時候會做備份，而同時間佢有用酒店提供的免費Wi-Fi，所以就俾機會啲有心人收藏左。而咁啱佢又做得吾隱秘，就俾我搵得到個檔案」EZ一副碰巧又輕鬆的樣子，但他眼下的黑色素卻在夢面前飄揚。---「老師覺得如果頭先的片段俾人共開左會點？」玫瑰調好鏡頭繼續問許老師 「玫瑰，你吾好講笑啦，我同粟老師係成年人，兩情相悅。你如果咁樣做，會令到我地兩個都會無左份工架。係咪平時有啲咩你吾滿意，老師幫你呀」許老師強行令自己冷靜下來，查找玫瑰這樣做的原因 「噗...粟老師，你真係自願的？」玫瑰忍俊不禁笑了一下問 「吾，吾係呀...嗚...係佢強迫我架...」粟老師頓時哭得梨花帶雨 許老師見到後眼皮一跳，頓時如墜冰窟一樣，牙齒不停打顫「粟老師，你...你講咩呀...你吾係話你好仰慕我...」 但剛進房間千依百順的女人已經消失了，眼前的粟老師眼內只剩下冷漠和恐懼。 許老師看着這樣的粟老師，急忙向玫瑰說「吾係咁㗎，真係吾係咁㗎」而迎接許老師是玫瑰譏嘲的樣子。 這使許老師頓時清醒了，最近學校內發生的畫面在許老師腦內不停飄過重組，強忍着怒氣卻又有一點忍不住的咬牙切齒問「依一切都係你安排的？我自問無得罪過玫瑰大小姐你，點解要咁樣對我？你有啲咩要求大可以直接同我講，你爸爸就係我老闆，吾洗搞到咁！」 玫瑰拉開一張椅坐下，才委屈地說「其實呢，我本身都無必要咁做㗎老師，但問題就係老師明明好聰明，但有啲野就係點都做吾好，我都俾左咁多機會，咁多助攻俾你。」 許老師驚呆了「我有啲咩做吾好，令到你要整到我身敗名裂先得？」 「李昆！」這兩隻字從面容扭曲的玫瑰口中說出