考牌啦: 實習-Case 5 (10)
「柔柔，我聽日想係門面請假得吾得？」夢查看完過去的資料問 「？」對於夢突然的請假，柔柔完全跟不上 「因為我想去搵個仔去傾」夢說出原因後，柔柔就更加奇怪反問「咁你都係去做野，點解要請假？」 「吓，我諗住我未必有機會見到佢，或者根本講吾到野，咁吾可以計做做野嘛」 「你次次調查都可以調查啱的對象咩？查完發完無用就吾叫係調查緊咩？既然你都開左依個case，咁你的調查就係門面工作一種，我會批。按過往經驗，婆婆聽日就應該吾會黎，不過佢真係黎，就由我去同佢溝通。你唯一要做的就係認真啲調查呀」柔柔再次重新這是工作的一部份，不是因夢觸法就不是門面的工作 「收到」得到柔柔再三的解釋和支持，夢終於放下心頭大石--- 「你好，吾該我想搵陳大富先生」夢來到一棟高級的商業大廈後，就被接待處的人攔下 「請問先生你有無預約呢？」接待人員禮貌地詢問 夢出示了從柔柔收到的證件，接待人員看見後面色一變，趕緊拿出一個掃描器核實證件後就說「無問題，請去右邊的升降機前往八十八樓」 夢收起證件離開，聽到背後的接待員在竊竊私語「喂，個邊又有人黎陳總啦」「吓，又黎，佢今次又有啲咩事」「吾知喎，不過頭先個個男人好型呀，把聲音好有磁性，真係...」「但係佢係係個度做喎」「吾緊要，佢未黎好好咁檢驗囉...」 沒錯夢再次變裝，化身成一位沉穩成熟，有點年紀的男士。穿着筆挺的西裝，閃亮的皮鞋，價值不菲的手錶和工事包，散發出一種不凡的感覺。 踏進升降機，不用夢去點，八十八樓的按鈕已亮起，在柔和的音樂中，升降機快速上升到目的地。門徐徐打開，映入眼簾的是一個極其嘈吵的辦公室。不同的人對着電話大叫，電話的響聲此起彼落，未有停下。 夢站在門前很久，都沒有人注意到他，他唯有攔下一位看似沒有那麼忙的人問「我想搵陳大富先生，應該要去邊？」 「直行轉左盡頭坐低等」那人說完後加緊腳步，像是要追回被人攔下的幾秒時間 夢跟着指示來到辦公室的門前，從磨砂玻璃可以看見內裏的人們正繁忙的工作，他便坐在門外慢慢等候進入。