因為前世一個承諾，令我今世三十歲都仲係青頭仔: （24）

分子係一種構成物質嘅粒子，呈電中性、由單個或多個原子組成……

為左了解一下物質嘅組成與分解，三十歲人先再嚟惡補一下啲化學知識。

成條橋就係要喺極短時間之內，將賓周分解再重組，因此要掌握好準確度同埋時機。

假如拿捏得唔準，稍有差池，唔單止會失敗，而且「細佬」可能會變唔返原狀。

有見及此，喺正式操作之前，最好都係練習一下。





由於自己間三層嘅獨立屋俾炎殺黑龍波燒左，無法繼續住落去，所以就去左Samuel屋企暫住。

「…Samuel，啱先我去廁所，唔小心拗親腳，你可唔可以幫捽下啫？」

「咪搞我，要捽你自己捽！」

「咦~咪咁啦~幫下人啦~」

「咦！你咪坐咁埋啦…」





Lily又嗲又姣，真係嘗試想拗直Samuel。

至於Samuel嘅反應，就同我平時俾佢冤住嗰陣嘅反應一樣。

條友平時煩得我多，家下終於遇到對手，就等佢咁感受下俾人煩嘅滋味。

我就無理佢地，自己一個匿埋喺房入面，練習將下體分解並重組。

我運用真氣，憑藉住想象力，先將接近十吋長嘅賓周，逐漸咁分解。





從龜頭慢慢咁逐吋消失，跟住就到中間，最後再到根部。

眨下眼，下體就徹底「消失」不見。

而實際上並非真係消失，只係分解成無數粒肉眼睇唔到嘅分子。

下一步，就係重組返條嘢出嚟。

為左令模擬效果更真實，我買埋相澤南嘅「名器」嚟試。

一嚟先係龜頭喺名器入面「重生」，名器裡面開始漲起嚟，之後中間同根部嘅都慢慢恢復原狀。

全程我都非常專注，點知突然間，Samuel唔敲門就衝入嚟：「傑傑！」

我俾佢嚇左一嚇，窒左一窒。





「喂呀傑傑，Lily佢係咁煩住我，我頂唔佢順呀，你快啲幫手話下佢啦！」Samuel喺度炸型。

我就無理佢，低頭眼甘甘望住碌嘢。

碌嘢大致上變返原狀，點解只係「大致上」？

因為啱啱俾Samuel嚇一嚇，搞到我分心，導致包皮家陣少左一忽。

「我頂你咩！我咪講左唔好入嚟嘈我囉！你睇下，你搞到我少左一忽包皮！」

Samuel唔好意思咁笑一笑：「哈...都…都唔緊要啦…咪當割左包皮囉...」

「割包皮係都割龜頭上面嗰忽，唔係底嗰一忽啊！頂你！」





「Sorry，係我唔啱！」Samuel閂埋房門，行返出客廳，「我都係唔阻你啦，你繼續！」

我重新運氣，再分解重組一次，將根部無左嗰忽包皮，用龜頭附近嘅包皮補上。

好彩只係塊皮無左一忽，假如龜頭少左忽，咁都唔知點算好。

重複練習過多次，基本上我完全掌握分解重組嘅步驟同節奏。

然而時間已經係深夜，喺廳嘅Lily同Samuel都已經訓左。

練左成日，我都好攰，攤上床合埋眼就訓。

呢一夜，我發左個噩夢。

「凡人係改變唔到命運架！無論你點做，你都無可能打破宿命！哈哈哈！」





我夢見欣欣條八婆，條友面目可憎，比現實中嘅佢更加黑人憎！

「係呀！上一世係我偷左啲珠寶，搞到你俾人劈死，不過咁又點呀？呢啲都係命運嘅安排，你無得怪我架！今世都係一樣，命中註定你要同我一齊先可以扑嘢，所以你走唔甩架啦！哈哈哈哈…」

條八婆啲笑聲好鬼恐怖，嚇到我扎醒左，額頭狂標冷汗。

我用手抹走啲汗，內心極力呼喊：

死八婆！你睇住嚟啦！我林嘉傑偏唔信邪，偏要逆天改命，破除力場！