以前中學的一些事: 3
"喂, 阿中, 你依排點呀?"
"ok啦, 都係返工放工lor, 你呢, 你喎,你結婚個邊搞成點, 洗唔洗幫手?"
"都7788架啦, 我打比你就係想邀請你到時出席, 時間地點我已經寄左比你"
"哦, 知啦, 我一定會黎啦, 哈哈..."
"仲有一件事...你要老老實實同我講, 我..我地當年分手既時候..原因係唔係因為阿俊迫你..?"
"哈, 傻啦, 點有呀, 唔好諗咁多.."
"我已經知道哂成件事啦！我聽人講你當年係為左我先咁做....我想講既係...多謝你！(佢已經有少少喊緊), 多謝你咁為我, 仲有...多謝你比左一段一世難忘既回憶！"
"嗯...傻瓜, 因為你係我心中既寶物..呀, 係呀, 人地話新娘子唔可以喊太多架, 到時婚禮就唔靚女架啦, 哈哈！"
"好啦...咁你記得到時準時呀！88"
"bye.."
(我地總算係拍緊拖了吧....但係..)
我心諗，呢段關係好似好唔實在，好似好假咁，係一齊得太快...定係我對阿玲根本冇感覺，只係當時細佬控制大腦作出決定？係呢個時候，我又要打電話問智囊團:
"唔撚係呀你...咁快?"阿邦
"唉...我都唔知點解，但而家已經拖住我隻手，我當時又唔知點解會.."我又唔知自己講乜
"你已經成個人亂哂啦...你好好考慮清楚先啦, 你咁樣對你同對方都唔公平"
雖然口裡說不，我身體就好撚誠實，每次同阿玲出街，佢都用佢個對冇得輸既美腿勾引著我個心，所以我決定，扑左先講！
適逢係我既生日快到，我就約左阿玲一齊返大陸食野+揼骨...
先講講，以前既大陸，你同女友係一間房，訓埋同一張床，搞乜都唔會有人理，但而家好多場都已經唔得了，有d直頭叫你分房訓，有d唔比你地同床。
話說我只想扑野，所以同阿玲個日行左一陣街，已經上左骨場按摩，..
"不如按陣腳先上房lor"阿玲
"哦，好呀，定係我幫你按腳呀..哈"
"你個咸濕佬...抽水你就叻..."
"唔信你試下我手勢."講完就一手掃落佢大脾..
"呀...好..好癢呀..."
按腳只係幾十分鐘時間，話咁快按完就上房了
上到房，我同經理講左我地休息一陣再叫技師入黎，咁當然我同阿玲而家就訓埋同一張床啦！我估阿玲都估到我有古怪，所以同我講想訓一陣先，所以姿勢上形成左佢背著我，我望著佢背部...
(嘩...你咁樣..我咪仲易搞你...)
我隻手係呢個時候就開始做野了，先摸大脾吧，由小腿開始掃上去腰部，真係好正，簡直就係偷情一樣！唔怪得咁多仆街港男成日話帶條女上大陸按摩....按按按，根本就係為左搞野呢一刻！
"嗯...嗯..."阿玲發出一個令我繼續進攻既訊號
我當然唔會出聲，手就繼續掃.....終於掃到胸部，一摸...嘩，好正，原來佢都唔細！
"喂..喂呀....呀....唔好咁啦......"
"唔好點呢..."我加快節奏，上下其手
"呀....呀...."
嘩頂，聽到呢種呼吸聲，簡直同你直接同我講COME ON BABY一樣！
由於以前我係唔會買DOMDOM，所以我就直接插左入去！
"呀！...呀...好舒服...."
感覺係好正，唯一不足就係阿玲唔係處女，不過算啦，係20歲既時候仲想搵到處女，同係旺角行乞有人比100蚊你一樣咁冇可能！
"呀..阿中...你鍾唔鍾意我.."
"嗯...好正...你身材真係正..."
"正就好...你舒服就得.."
但由於冇帶套，我加快速度下，好快就出左了。我地之後清理好後就叫技能入黎按摩，完成左是次大陸之旅！
自從大陸事件後，阿玲對我更加痴纏，但好老實講，我對佢真係冇咩感覺，感覺只在於我地之後既每星期都有搞野，地方當然唔會次次都返大陸啦，唔係破產都唔掂！我每星期都會上阿玲屋企一次做例行功課，但次次搞完野，我心入面就更加空洞....好像將同阿芳分手既難受放大百倍咁，每次係阿玲屋企坐車返自己屋企時，都會有種想同阿玲講清楚既衝動，但每一次諗到可以免費午餐時，又打消左呢個念頭...直至那一天...
話說那一天我照常去阿玲屋企做功課，但唔知點解個次好耐都出唔到野，好似同住佢我已經冇左想搞既慾望咁！我好記得個次我冇出到野就走左，之後我上車後，阿玲打比我問我咩事，係唔係心情唔好，
"喂..你係唔係嬲呀?"
"...嬲?我嬲咩?"我已經好似唔想再聽佢講野
"見你頭先...出唔到lor...."
"嗯...心情少少差啦，不過.."
"咁不如你同我講發生左咩事?"
"...阿玲呀...不如我地分開一下..."
"下?! 點解呀? 我做錯野?"
"唔關你事....係我問題，我發現我其實唔係咁鍾意你...同你一齊本來都ok，但日子耐左我就唔可以再呃自己..對唔住..."
說完，我就收線了，阿玲之後只係打左幾次比我，就冇再聯絡了，我好懷疑係唔係佢對我都係一樣...分唔分手都冇所謂，不過唔緊要啦，我之後都冇係公司做了，怕見到面有尷尬既感覺..
話說我離開公司後一個月，就有種不如索性轉行既諗法，呀唔記得左講，我以前係做sales的，之後決定左轉行--做電腦工作！本以為平平無奇又帶點專業既工作，會令我忘了情，忘了愛....但我點都估唔到，我係一間工作既學校入面，識到一個令我一生也忘不了既好女仔---阿瑩...
轉左之後，我為左令自己更加專業，決定去進修一下電腦知識，話在前頭，小弟既電腦知識一向都唔差，可能係自少就好鍾意打機(唔係打飛機)，所以係進修學校度，成績真係幾好！但我覺得始終都係搵份有關電腦既工作，先可以從工作中增值自己。
好快地，我就入左一間小學入面做一個小小電腦技術員，雖然人工低過以前做sales好多，但為左轉變環境、轉換形象，冇所謂啦！因為個陣聽人講，電腦呢行都幾有前途..(雖然後尾我知道錯了..)，先講一講學校入面既人同環境，我坐既位置係校務處內，入面有2個書記、2個助教...平日我既工作就係除左電腦外，仲有幫老師做好多鎖事，例如打字，影印等等...我發覺做做下，比以前工作更忙，其實咁都幾好，感覺開始對阿芳既事慢慢淡去....就係我既學校工作左一年，我遇上佢---阿瑩。
個陣佢岩岩入黎學校工作，而佢既工作就係一個社工。以前我覺得，社工係一個好輕鬆既工作，唔需要太多學識同埋專業知識，只需要個樣同把靚聲就掂。先講樣，阿瑩係一個樣子唔起眼既女仔，但佢既眼大大，笑容甜甜咁，係屬於可愛型，估唔到既係，我由岩岩識佢，到迷上佢...只係兩個月既時間....
仲記得有一次，阿瑩叫我幫佢整電腦(學校個部)，由於佢坐係社工室，變相整電腦就等於我同佢兩個共處一室，當時我對佢只係普通同事之間既關係，我入到社工室，真想唔到佢佈置到一間房咁整齊，嘩好似入左佢自己間睡房咁，好舒服...
"你黎左啦?"
"哦, 係呀, 你部腦有咩問題?"
"嗯...點講呢...其實尋日開始就已經好慢咁, 之後就直頭hang左機.."
"咁你唔尋日同我講有問題既...?"
"我見你尋日好忙咁, 費事煩到你啦"
(嘩, 多麼體貼呀！但其實我尋日只係係電腦室入面訓緊覺咋！)
個次之後，我就覺得呢個女仔好識體諒人，真係岩哂做社工呢行。不過個陣我對佢仲未有感覺，只係覺得呢個女仔性格做女朋友真係好好...直至那一天....
我如常帶住想訓覺既心情坐地鐵返工，個陣慶幸蝗蟲仲未治港，但早上地鐵想搵位坐，機率就好似中六合彩三獎咁難...咁我唯有企係度合埋雙眼小休一下啦，突然有人拍我，我心諗點條仆街叫醒我！諗住爆粗之際，就見到阿瑩企係我面前，露出一個廿分親切既笑容，
"早晨呀！"
"早，你咁精神咁既...我仲好眼訓...."
"當然啦！早睡早起精神好，仲有一陣有講座由我主持"
"咁西利呀你..."
"比d精神啦！係呢, 你都係呢個時候坐地鐵架?"
"係呀, 你都係?"
"嗯, 係呀！咁不如我約你每日都坐呢班車啦！咁我可以每日比d正能量你！"
"哦....好啦..."
就係咁，每一日我就同阿瑩一齊返工，雖然只係幾個字時間，但每一日都同佢有講有笑，其實都唔錯，就當係我既灰暗人生入面，添加少量能量吧。
就係咁，同阿瑩一齊每日坐地鐵返工就過左3個月，我必須承認一件事，阿瑩性格真係好好，即使對我呢個只屬於超普通朋友都好體貼，例如有時我工作忙到lunch都冇時間食既時候，返到坐位時總會見到一個飯盒，例如我有時候工作到要ot十五分鐘，佢總會耐心地等我一齊放工坐車，但要說的是，我地從未僭越普通同事呢個範圍，即係...我地從未一齊出街食飯。
不過有樣野一定要提提，就係阿瑩既事業心超強，記得有一次我見得閒，就幫佢買左lunch，諗住拎上去社工室比佢，一入到房，佢已經...
"喂！我做緊野，忙緊呀！你唔好入黎住！"
"哦...哦..."我只能夠將飯盒放係佢檯面之後立即走人
事後，佢當然同我say哂sorry，話忙緊先會係咁。
但唔知點解，我總是好想去關心呢位同事，因為佢既體貼、佢對我既關心，令我想將我地同事關係..僭越成為朋友，當然，我唔希望再次發生阿玲事件，我真的想找尋一段好像阿芳咁既難忘愛情....
有一天，放左工返到屋企後，我終於忍唔住打比阿瑩
"喂，阿中?"
"哦，係呀....你返左屋企啦?"
"係呀，你呢..你返到去啦?"
"返到啦..."
"你第一次係放工之後打比我喎，有緊要事?"
"嗯...唔係公事搵你..只係私事..."我開始緊張
"私事? 講到咁嚴重，我好有興趣知咩事喎，快d講"
"嗯...係呀，呢個星期日....你得唔得閒...出黎食餐飯呀..?"
"星期日?我睇下schedule先，你等等.."
(嘩，你唔係忙到咁呀！仲要睇schedule?!)
"星期日我ok呀！係邊度等?幾點?"
"嗯..就下午4點將軍澳地鐵站啦，近你.."
"好呀，到時見！"
星期六既早上，由於約左4點鐘，但係我完全緊張到訓唔著，(唔知點解心裡有種不踏實既感覺)，所以當日我好早起左床，食個豐富早餐，盡量扮靚仔少少，可憐我雖有180cm高，卻只有一張大眾臉...好不容易到左3點鐘，係時間出發了！
由我屋企去將軍澳只需要30分鐘車程，即係我仲會早到半個鐘，但去到時我已經見到阿瑩企左係度等我...
"喂！遲到，第一次約人就遲到，有冇搞錯架?"
睇佢個樣真係好嬲咁，我唯有死死氣.."對唔住.."
"哈！你比我呃左了，我個樣似好嬲咩?"
"可惡..今次比你呃到，冇下次.."
"好啦，唔玩啦！我地而家去邊度呀?"
"嗯..不如先行一陣，食完飯再去睇戲?"
"好啦，快d行啦！"
當然大家唔好諗住第一次出街就會拖手仔有身體接觸啦，不過行街過程我地好開心，整個氣氛就好似被阿瑩既快樂感染左，我仲係第一次行精品店(係那種只有女仔會行既精品店)，仲得知阿瑩最鍾意就係大口仔，雖然見到個好大個口既智障公仔我確實唔多鍾意，但見到阿瑩一見到大口仔就雙眼發光既樣子，有一種莫名既快樂！
坐低食飯，阿瑩不斷講大口仔有幾好幾咁可愛，我雖然聽唔太明，一個智障既公仔點樣可以令一個正常人獨狂地喜歡它，但知道阿瑩鍾意講，我唯有陪下佢啦
"嘩，你有冇見到大口仔幾咁得意呀?"
"你再講..你唔洗食野啦?"
"食完就係要講野先得架嘛，你頭先呢見唔見到大口仔..."
"好啦, 我見到啦！你快d食完，我地夠鐘入場啦.."
"你又呃我啦！明明場戲係8點50分，而家仲有個幾鐘呀！"
"...小姐...你睇下張戲飛先啦..."
上面清清楚楚印著"7時50分"
"下...你做咩唔一早提我食快d呀..你真係呀...可惡.."
"係, 係, 係我錯，咁你食快少少啦.."
雖然我比佢咁講法係有少少唔知點，但見到佢當時面都紅哂咁食飯，個樣真係幾得意。
睇戲部分冇咩特別，不過有件事幾得意，就係食飯行街時好多野講既阿瑩，入到戲院係靜到奇怪，真係成場一句野都冇講過，出黎時忍唔到問佢原因，佢只係話
"話你知，睇戲係一種文化，要學識尊重呢種文化！"
返到屋企，本來已經好累既身軀(因為行左成日街)，好快就沖涼上床諗住訓覺，但唔知點解，成晚訓唔到，個腦斷斷續續出現阿瑩同智障大口仔既畫面，原理上冇理由會咁架...唔通我自己喜歡阿瑩我自己都唔知? 但...當我之後諗返起阿玲，當日就係同阿玲開始得太快，唔夠了解對方以致太快分手...諗諗下野不知不覺已經訓著左...
第二朝早起身，我都係決定，先同阿瑩再熟d先決定點做，因為我唔想傷害一個咁純既好女仔，當然都唔想令自己太容易迷失方向。接下來既兩個月，我一如以往同阿瑩每日都一齊返工放工坐地鐵，有講有笑，當然係放假時都有約佢行下街，不經唔覺已經同阿瑩熟絡左，對佢都有一定程度既了解，了解多左，但反而令我更加唔敢再行多一步，因為...
記得有一次，我同阿瑩食飯時，我問左佢一個問題，
"喂，其實你鍾意d咩類型既男仔?"
"嘩，你突然咁問既...嗯，我諗下先.."
"呢d野要諗架咩...唔通你從來冇諗過拍下拖?"
"嗯...而家都係工作重要，但你問我呀...我鍾意d成熟少少既男仔，要體貼，要錫我咁lor，好低要求"
"咁都叫低要求...只係成熟加體貼，就已經好少男仔做到啦"
"哦..唔緊要啦，我又唔急，而家最緊要係工作！"
佢講到咁，我都冇再問落去，因為佢講緊既條件，我幾乎一樣都做唔到。
所以我都係用住朋友呢個身份去關心佢先啦....直至...
尋日有朋友whatsapp問我:
"喂, 聽晚情人節你有咩做呀?"
"冷靜期中, 冇野好做"
"咁都會打個電話哄下佢掛..."
"冷靜期中, 唔可以打比佢"
"咁whatsapp, sms, mms都有個呀"
"冷靜期中, 任何短訊都唔可以有..."
講完佢就冇再send野比我, 確實冷靜期間我唔可以做任何野, 我有女朋友, 但不能見面, 不能send短訊, 人生最痛苦莫過於此, 不過我仲有一班好關心我既好家人,好朋友,好姐妹,好兄弟, 好親戚...剛剛打呢段野, 都有淚, 但帶笑!
你地都要情人節快樂呀！！