簡介
自己嘅第二篇故事 依個係一篇愛情？！故事，少部分係自己作出嚟（包括人名） 希望大家可以俾面小弟，比多啲意見。 感激大家
《忘不了的她》
| 作者 | 第十三個人 |
|---|---|
| 類型 | 愛情 |
| 狀態 | 未完結 |
| 更新日期 | 17-01-2022 23:30 |
| 文章字數 | 1521 |
| 點擊次數 | 222 |
第一章
故事就由幼稚園開始講起，幼稚園喺大部分人必經的階段
亦都係人生中最無憂無慮的時期。依個都喺我認識她的時期。好多人會覺得好兒戲，幼稚園喎，事實係佢係我腦入面一直停留，停留，停留......
故事就由我膽戰心驚踏進校門開始，我依稀記得班房在校門的左面。
第一日，入到課室嘅情景恍如昨天。
環境係幾咁嘅陌生，試問邊個喺父母嘅庇護下，第一次脫離舒適圈唔會感到擔心，甚至害怕。
連同我，有大概二十個同我差唔多年齡嘅小朋友喺班房坐定喺班房。
隔咗一陣，
「Hello,大家好,我叫 Ms.poon,我係你哋班主任,即係你哋班嘅老師。」一個身著黑色長裙，高踭鞋，短頭髮嘅女士入咗嚟。
「Hello，everyone I am Ms.Rebecca。」另外一個唔同膚色嘅女人入咗嚟課室，細細個未見過外國人，我眼定定咁望住佢。
「好，咁今日係我哋第一日嘅課堂。不如咁多位小朋友介紹下自己先啦。就有1號同學開始講起啦！」自稱Ms.poon嘅女士開口咁講。
「我係陳志浩，今年四歲。」坐係前面第一排嘅同學起身介紹。
如是者，一個個同學輪流起身介紹自己。
直至到14號，
「14號同學，到你啦。」Ms.Poon 伴隨著慈祥嘅笑容講。
班房依然鴉雀無聲，同學都喺度觀言察色，無人知道邊個係一號。
十秒嘅冷清之後，終於坐係我隔離嘅女仔緩緩咁企咗起身，我抬頭望上去，佢有一對明亮嘅眼睛，尖尖嘅鼻子，同櫻桃小嘴。佢紮咗條馬尾。
「我...我呀？」佢膽怯咁問。
「係呀，同學係你呀。」Ms poon 再次回應。
「我...我叫阿欣。」佢講完依句之後就好快咁坐返低。
唔知點解依個女仔好吸引我，佢有一種特別魅力。但係佢坐咗係我隔離，我又唔好意思望實佢，每次都係少少，少少咁望一望佢......不過佢就突然好似feel到我望緊佢咁，佢用眼尾望住我。眼神接觸咗......我緩緩咁將眼珠望番去前面。
唉......細個邊識咁多嘢，總之我就鐘意佢啦。
「下一位同學，」Ms.Poon 講。
「15號同學。」
咦？咪係我囉。
「大家好，我叫阿文。我好鍾意......」我企咗起身，熟練咁將阿媽一早同我準備好嘅自我介紹，好熟咁背出嚟，依個應該係全日我最自豪同最有信心嘅時候。差唔多講咗成分鐘先坐番低。
「多謝依位同學咁詳盡嘅介紹。相信其他同學都會好了解你喇。」
「跟住落嚟，下一位......」
自我介紹嘅環節好快就完咗，Ms.Poon 同其他老師帶我哋認識依個對於我地黎講係好陌生嘅地方。又講咗好多唔同嘅規矩，例如：問過老師先可以去廁所，又例如唔可以周圍走嚟走去，要聽晒老師講嘢......好彩，我係一個幾遵守規矩嘅人，對於我嚟講，依啲絕對唔係啲咩問題。
跟住就帶我哋入去一間房，同我哋講依個係我哋嘅班房。入面有啲凳，圍咗個半圓形，跟住叫我哋順住學號坐。
好快，同學都紛紛坐埋位，驚死無得坐咁。我都唔例外啦，但係有個女仔就好怕生咁，企咗係度，相信你哋都估到，冇錯係阿欣，佢企咗係度。
係機會啦......
「呀欣，過嚟依度呀！」我向佢招手。
.
.
.
.
.
.
.
.
下回繼續