《從古城裏愛起》 (古代科幻/愛情/冒險)~瑤瑤系列: 第二十四章 Connect

第二十四章 Connect

漫天飄雪點綴無盡的夜空，白茫雪景圍抱熱烘的溫泉。
小飯和子垣望着如此美景，背靠背的浸泡在溫泉水裏，享受着二人獨處的這一刻。
寒風颯颯，小飯不經意的把背緊緊貼着子垣，感受到被保護的溫暖，輕嘆一聲「好暖…」。這股暖流湧進心裏，兩顆心更是貼近，為彼此增添一份情意💕。
天上無言的星星獻上寧靜的夜空🌌，正是剛萌芽的愛苗💞 最好的養份了。

小飯這刻的貼緊，使子垣心跳加速，血液循環也加快起來🩸，動也不敢動，這一刻雖暖還亂。 他在想，自己是在做夢嗎？感覺如夢似真…

小飯絲絲細語：「點解你唔講嘢嘅，喺咁暖嘅環境底下，我就嚟瞓着覺啦…😴😴😴」




子垣語窒：「因為我…我怕講錯嘢！其實…我一直都想搵返你，依家你就喺我身邊，我反而唔知應該要講啲咩，哈哈😅！都係唔好浸太耐，小心凍親，泉水嘅溫度令血液循環得太快，我驚我會爆血管死🩸，我哋不如返去啦🙈！」泉水只是個幌子，令子垣血氣運行急速，最大原因當然是小飯的肌膚之親，這一點絕對不能讓小飯知悉。

小飯笑了：「咁好啦，你上水先啦，我唔會擰轉面偷睇你換衫。同埋你唔好等我，你走先，費事畀人哋見到我哋一齊沖涼…😝😝」

他倆分開後各自回到自己的冰屋，但那份相依的感覺仍留有餘溫，久久不散。

(冰室, 能夠保溫, 適合人體溫度)

小飯在冰屋裏發現了一個簡約的盒子，低調的置於一角。這是漢皇為她準備的一箱日常用品。 當她打開盒子後，看到的是…:
「呢啲係… 喺楚都好多女仔都鍾意嘅白蘭花，美顏沖涼用㗎喎。 呢件係… 點解有一件女裝衫，仲有… 點解全箱都係女性用嘅嘢… 畀我㗎？唔通佢已經知到我係女仔😱？佢究竟幾時開始知道㗎!! 既然係咁樣，即係所有人都知我係女仔啦… 咁，我可以索性做返自己啦…🥴」





小飯一邊用上漢皇為她準備的美顏用品，又穿上漂亮的衣裙，梳好秀髮，戴上頭飾，一邊想：「呢個柏宇，人仔細細，估唔到佢都幾細心。無論衣服頭飾都好啱我心水… 唔通… 佢鍾意姐姐嘅 😂。小飯呀小飯，你又引咗一隻迷途小蜜蜂了😝。」

小飯整理好儀容後，拿出柏宇給她的地圖來看，研究往後的路線。 「子垣啱啱到，佢應該未睇過呢張地圖，不如攞過去佢間房，同佢一齊研究🤔🤔。」
(小飯真的一心想研究路線圖, 不是讀者諗果種二人一室…呢！🙈)

小飯直接就進去了子垣的冰屋。
子垣見到小飯到訪，喜出望外，而且一身裝扮更令人眼前一亮，以為小飯悉心打扮前來，是別有用心的。「都咁夜…未瞓嘅… 你…好靚呀 😍😍！」
小飯認真的說：「我想同你研究下我哋之後嘅路應該點行落去。」
子垣誤解了小飯的意思是指他倆的未來，深情的說：「我個人好粗心大意，如果你唔厭棄我嘅話…😌😌😌」





小飯一心只想着研究路線，由進屋的一刻起，子垣所說的話全都沒聽進耳內，甚至連一眼也沒對上他，只顧四處張望，搜尋一個位置可以讓他們清晰的細閱地圖。
她站在一塊直立的木板前駐足，拿出地圖往上釘上。子垣一看到地圖，方知失言了，馬上閉咀不提，調整一下心情。

小飯向子垣說解：「呢一幅係柏宇畀我嘅地圖。佢話係祖先一直流傳落嚟，而且佢哋嘅神留低咗一句說話：
『 山行山 • 龍之子 • 白四方水京 • 一口在宁內』，“山行山” 呢一句，我覺得係代表一個山接一個山，即山巒；而龍，就係代表南越最南端嗰座喺山巒上嘅巨型長城，因為遠睇真係好似一條巨龍，你點睇 🙄🤔?」

子垣想了想，覺得不合理：「但係咁喎，我哋而家去緊北方大雪嘅地方行緊，而你所講嘅地方就喺南方越國，根本就唔啱路🤔🤔。」

「我再講多啲嘢畀你聽，我同一班兄弟曾經爬越長城， 去到長城嘅南面，喺嗰度有個沙漠，我哋最後…」 小飯將自己那次的經歷詳盡的向子垣訴說，希望從中可以得到一些啟發。

子垣驚訝：「竟然有啲咁嘅怪事！呢啲嘢簡直係超越人類嘅嘢，冇可能係人為。 」他又指着地圖說：「你睇下，呢張地圖上有啲好細粒嘅字，呢啲字我從來都未見過，你識唔識 🤔🤔?」

小飯搖頭：「我都唔識。呢啲字咁細粒…呀，其實我呢張地圖係手抄嘅副本，話唔定係人為有誤🤔🙄，真跡喺柏宇嗰度，我哋聽日借佢嗰份真跡嚟睇下，就清楚晒啦。」





子垣繼續揣摩神的說話：「 "山行山" 呢三個字，如果用普通話讀，就會變成"三乘三"，咁即係等於"九"； "龍之子"，就係代表 "九條龍嘅仔"，唔知有冇諗錯方向🤔🤔🤔。」

小飯也細想一下，靈機一觸：「 "九龍仔" 😮?」

當小飯從口出說出 "九龍仔" 三個字，大家也靜默了。這三個字對於他們來說，似是陌生，卻有種耳熟的感覺。

子垣：「好喇，而家真係好夜，我哋咁樣諗落去都唔係辦法，不如休息下先，聽日再算啦！」
小飯：「咁好啦，你都早啲抖，good night~♡ ☺️!」

小飯把地圖從木板上拆下時，一時手鬆，地圖都掉在雪地上去。 小飯驚呼：「幣啦！跌咗落啲雪度整濕晒… 😩」
掉在地上的地圖，從他們的角度來看，剛好是倒轉的。 他們呆看着這幅倒轉的地圖，心中一怔，更覺眼熟。 片刻，這張地圖慢慢被冰水濕透，紙張都溶得爛透，再用不了。

(地圖倒轉了, 似曾相識)

小飯捂着胸口，嘆口氣：「好彩呢張係手抄本，如果唔係就 "金翅大獲鳥"，呵呵！ 好喇，我走先喇，早抖🥰。」說畢，她就徑自回到自己的冰屋去。





這張倒轉的地圖和 "九龍仔" 三個字，都讓子垣和小飯惦記不忘，實在有一種非常熟悉的感覺。

子垣初嘗在冰屋渡過，雖然室溫是還可以的，但總是輾轉反側，難以入睡。他決定出外走一圈，看見披上斗篷的小飯，拿着小傘子站在高地上，望着前方的雪地沉思。

子垣走到小飯的身後說：「講咗早唞又唔瞓，今晚好凍呀，我諗你應該都係瞓唔慣冰床，同我一樣。」

小飯別過身，高舉傘子，為子垣擋着雪，嘴帶微笑的 說：「係呀，真係瞓唔到。一來唔慣啦，二來諗起幅地圖同埋九龍仔，我就…」

子垣也有同感：「我同你一樣，我見到調轉咗嘅地圖，都有一種莫名其妙嘅感覺。」

寒夜裏，冷風刺骨，小飯握着傘子，玉手都被凍得紅透，子垣盡顯風度，說：「我幫你拎住把遮啦，呢啲粗重嘢應該等我哋男人做☺️。」 他從袖口裏伸出手來，包裹在小飯的手背上，除了給予溫暖，還有一種"交流"在他們之間發生了… "Connect" (註)隨即啟動進行中。

(註：在前傳《瑤瑤》交代了Connect是什麼。 在此簡單說明一下：Connect是用一種特定的手握手方法，接觸對方的心靈，互相交流，也可以download對方的靈魂，移到第二個軀殼。 只有小飯，即是"瑤瑤"才懂的技能。)





這一刻，他們的記憶都喚醒了，那天甦醒前的大部份記憶如走馬燈的一一湧現，記起了一切。

「瑤瑤! 😱」
「家朗! 😱」

子垣和小飯一起喚着對方(以前)的名字。二人情深對望，亮晶的眼眸裏映着彼此的容貌，空氣像是凝聚似的。

他倆在高地上，二人一傘，手握着手，互相對視的情景，通通都被躲在樹後的漢皇柏宇看進眼內。
漢皇眼見鍾情已久的小飯，被自己視為兄弟的郭子垣橫刀奪愛，心中極為憤怒…😡😡😡

待續~