嗰一晚，我用口罩搞咗個人妻: 好嬲嬲呀

凌哥托着頭笑道：「好簡單，直接話畀佢哋知，然後一人摑你一巴咪得囉。」阿賢即時附和道：「好橋喎，都係一巴啫，你咁硬淨，冇問題嘅。」畸仔滿臉懷疑的問：「係咪得㗎？」凌哥即時回答：「梗係啦！不過記住唔好約喺餐廳啲大庭廣眾等，約喺公園度，仲要分開時段約，千祈咪畀班女遇到，否則唔係一人摑你一巴，而係你畀人群毆㗎喇。」

說完便悄聲在阿賢耳伴說：「佢真係照做嘅話，聽日一定畀人摑到成個豬頭咁。」然後凌哥突然想起，回頭跟畸仔說：「你記住同你班女友坦白完後，第二日放返一日假喎。」

畸仔當然知凌哥在取笑他，可是凌哥是老闆啊！只能怒瞪了一眼，然後繼續裝着執貨。凌哥和阿賢相視一眼，然後便哈哈大笑，怎料突然有人喝問：「你哋好得閒呀？」凌哥和阿賢吐了一吐舌頭後，前者衝到貨倉，後者則轉身背對大門，裝着整理收銀櫃後的貨架，事關他們認得那把聲正是老闆娘珊姐！

珊姐走進來，瞪了口多多的兩人一眼後，便跟畸仔說：「佢哋雖然口多，但都講得啱，做男人就直接了當啲，同佢哋解釋清楚，千祈唔好學某啲人拖泥帶水，話咗唔會聯絡但又偷偷地同人哋去酒店，呢種男真係唔要得！」由於說得大聲，分明是在指桑罵槐，故此凌哥即刻從貨倉伸出頭急道：「老婆，我冇去過酒店喎。」珊姐怒瞪凌哥一眼道：「唔係話你！」然後側過頭瞪着阿賢怒道：「我係話你！」

阿賢看到珊姐雙眼中的怒火，知道她肯定知道了些甚麼，但又不知怎樣開口，而畸仔和凌哥顯然不知發生了甚麼事，但見珊姐臉色極黑，同樣亦不禁作聲。珊姐沉默了一會，才嘆了長長的一口氣後，才跟阿賢道：「你都咁大個仔，應該知道分寸，我都無謂再講啲乜，你好自為之啦。」說完便走到貨倉找凌哥去了。



待珊姐身影消息，畸仔才敢走到阿賢身邊低聲問：「珊姐講嘅係乜嘢事？又酒店又拖泥帶水係乜嘢事呀？話我知啦。」阿賢真不知應怎樣說起，便跟畸仔說：「有機會至慢慢同你講，你都係約咗班女先，嗱嗱臨搞掂佢，萬一佢哋大鬧婚禮你真係好麻煩。」

＜待續……＞