嗰一晚，我用口罩搞咗個人妻: 一直扮傻

阿玲聞言便搖頭，正想回答之際，阿麗已搶先道：「嚴格嚟講係阿賢，但如果要計嘅話，你都有份。」

「阿麗。」阿玲推了一推阿麗。

阿麗側着頭道：「咁係吖嘛。你個前夫因為第二個女人而同你離婚，之前個男朋友，即係中學嗰件渣男呀，亦係喺外面有情婦又有老婆，仲要生埋……哎喲！你捏我做乜喎！」

阿玲搖頭道：「你唔好講喇，同埋阿賢嘅情況又點同呢，佢又唔係故意嘅。」

「唓！你點知佢係咪真係失憶喎，可能佢一直扮傻嘅呢？」阿麗繑起兩手氣鼓鼓道。



阿玲搖頭道：「你諗返啱啱識佢嗰時？佢會突然低低哋咁，點可能係扮出嚟呢？」

阿麗點了點頭，又搖了搖頭道：「我唔係話佢低低哋，而係佢變得正常返後，根本已經記得返晒啲嘢，只係一直唔同我哋講啫。」

阿玲茫然道：「我都唔知，但我覺得唔似囉，因為我感受到嘅。」

＜待續……＞