我接通了來自陰間的電話: 第十節

我們乘地鐵往深水埗購買閉路電視。
 
閉路電視不是太貴，我們買了之後在附近吃了晚飯之後便乘小巴回家。
 
「今日早上於沙田駕駛學院往大老山隧道發生既嚴重交通意外，死亡人數確定為111 人，初步報告顯示泥頭車剎車器故障引發是次意外，特區政府稍後將安排大型拜祭同哀悼會，請繼續收聽本台新聞。」小巴在播放著電台新聞。
 
「好彩你今日冇上到架巴士，唔係我而家都見唔到你。」傻強說。
 
「老老實實，你覺唔覺得我好仆街？既然發夢遇見到咁既情況，我居然唔想辦法去阻止。」我不敢看著傻強的臉，因為我自己也感到羞恥。
 




「唔…….其實都唔可以咁講，我都成日發夢，唔通所有夢都一一實現？再講，今次你第一次遇到咁既情況，你唔講都唔怪得你，如果再有一次又發返類似既夢，你就一定要出聲啦！」傻強一臉認真的說。
 
傻強說得沒有錯，有誰會真的相信自己所發的夢會成真？
 
小巴一直的往大埔方向駛去，我感覺到自己就像坐在一架通往陰間的列車，只要一想起昨晚發生的事，我就渾身感到不自在。
 
「你做咩呀？塊面青晒咁既？」
 
「我只要一諗起自己要返去間屋度，個人就好驚！」我說。
 




「要唔要今晚叫多啲朋友上黎陪你？」
 
「唔好啦，呢件事我唔想俾人知咁多，你需知道響其他人眼中撞鬼既人其實同一個痴線佬其實冇咩分別，我唔想俾人當我痴線！」
 
很快，小巴已經抵達大埔，我們下車後沿著海寶花園行去大元村的家，走到汀雅苑外，平時已經陰暗的燈光今晚顯得更加陰森，還有一點點的寒意。
 
有時候，我覺的晚上的沐恩書院其實好恐怖，我成日覺得晚上既時候，學校既籃球賽裡面係會有人打緊籃球！
 
我們行到大元村籃球場的位置，從下望上去自己所住的單位，感覺很特別。
 




就像一條不歸路一樣，理性上告訴我這種奇怪的事情，應該先去其他朋友家過夜再想辦法，又或者找些朋友去自己的家開派對去增添多一些人氣，可是可能人類出於「好奇」的天性，我反而有一點點期待接下來的事態發展。
 
欲拒還迎，大概正好形容我現在的感覺。
 
「傻強，上去之前，我想做一件事先。」我說。
 
「食煙呀？」
 
「唔係，我想用你個電話打多一次俾自己，睇下有冇人幫我接電話。」
 
「好！」傻強從褲袋裡面拿了電話出來。
 
「你陣間如果真係再一次聽到個女人小孩把聲，可唔可以俾我聽下？我想知有幾恐怖呀！」傻強興奮地說。
 
我看著傻強的臉，沒有作回應，只是輕輕的點一點頭，想不到傻強原來真的是傻的。




 
「94340634」我用傻強的電話撥打了自己的電話號碼。
 
「鈴......鈴........」
 
電話在接駁著。