交友app日記: 混血絲

因為我都唔知佢叫咩名，所以下面就叫佢做「混血絲」。

混血絲：「hi」

我：「hi」

我：「你係邊到混血㗎。」

你話點解我要要咁問？因為混血都有好多個國家嘅。如果佢係歐洲個邊混咁係靚啦，但係如果係印度個啲國家嘅混血就唔俾給好啱我囉。可能有啲人鐘意嘅，但係個啲絕對唔係我杯茶。





混血絲：「我有4份1係加拿大。」

起碼唔係印度個啲先啦，真係好想快啲同佢交換相。

我：「咁我洗唔洗同你講英文㗎，講明先我英文好差㗎。」

混血絲：「唔洗，我香港土山土長㗎。」

我：「我身邊都冇混血嘅朋友。如果識個混血朋友應該幾有趣。」





混血絲：「咁你想唔想換ig。」

外國人係咪都特別開放。雖然佢得個少少外國血統，但係都好開放，傾咗幾句就叫我換ig。

我：「好，我比我個ig名你。」

震……….震……….咁快就加咗我。

我即刻去睇下佢啲相。 頂，唔對路喎。點解佢ig followers得1個，仲要一幅相都冇。





我：「點解你ig冇人follow嘅。」我加多咗個笑嘅emoji比佢。因為突然問呢個問題都幾奇怪。

混血絲：「因為呢個唔係我主ac。呢個ac係同啲HMD嘅人傾計用嘅。如果啱傾我先再加佢入我個主ac。」

我仲以為佢咁開放添。我咁驚撞到熟人都冇搞咁多嘢，都唔知佢有咩需要搞咁多嘢。

我：「原來係咁。」雖然我好想話佢做啲嘢好多餘，但係禮貌上我都唔可以咁講，費事佢又走啦。

混血絲：「話說你係咪中六啊。」

我：「緊係啦。我成績都未差到要留班嘅。」

混血絲：「咁你讀咩科啊。」

我雖然唔係玩咗個app好耐，但係我都未試過同人咁認真傾學業。不過算啦，有話題都好過冇話題嘅。





我：「歷史同經濟 你呢。」

混血絲：「我都有讀經濟喎，仲有化學同麻生物。」

我：「我係讀中文經濟喎，你都係？」

混血絲：「我讀英文。」

睇嚟佢係一個學霸喎，都係修讀啲好難嘅選修科。我讀中文經濟己經讀到想死，佢仲要讀英文添。可能人哋係加拿大混血所以英文勁啲。有陣時，我都好羨慕啲混血兒，感覺上佢哋英文好似都好啲，而我就係英文最廢。

我：「咁成績好好㗎。」

混血絲：「我讀間中學叫做係band1a。不過，我嘅成績都係中游。」





佢同我簡直係兩個世界嘅人，我呢啲band3學生根本唔知成績好係一個咩感受。

我：「讀band1己經好犀利啦，我讀band3咋。」

混血絲：「唔勁囉，我有好多科都未攞到星。」

我真係唔知傾唔傾落去好，同佢傾計突顯得我好廢。當我嘅目標係332233嘅時候，佢己經係衝緊星。

我：「咁你加油。」呢句可以話係我傾咗咁耐講得最膚顯嘅一句話。

混血絲：「話說你想唔想一齊去自修室。」

痴線，竟然約我去自修室，學霸真係唔同啲。

我：「你點解唔同你啲朋友去。」





混血絲：「同朋友去會變咗傾計囉，認真唔到。」 我：「咁你點解唔自己去。」

混血絲：「我唔想自己去咁孤獨。」

我：「但係你唔覺得傾咗一陣就約出街有啲快。」

混血絲：「咁你覺得要傾幾耐。唔通傾成年先出去啊。」

我：「咁又唔洗成年。」

混血絲：「你唔想去就算。」

冇錯，其實我係有少少想拖咗佢，但係我真係好好奇佢係點樣。所以，我最後都係應承咗佢。





跟住，佢就同我約咗聽日下晝一點旺角自修室。而且，佢仲用佢主ac follow我。我見到佢個樣雖然唔係特別靚，但係都叫做順眼嘅，所以都令我更加期待聽日嘅見面。