交友app日記: 混血絲完

本身我諗住同佢傾下計先開始溫書嘅，點知佢一坐低就即刻攞哂啲past paper出嚟做，而且自修室都比我想象中安靜。每當我發出少少聲音就比幾十個目光望住。係上述種種嘅情況下我為有好唔情願嘅係我個迷你斜咩袋入面拎出一份Econ past paper擺係張枱到做裝飾。

係操卷其間，我見到佢不斷做卷，一秒都冇停過。相反，我望到都覺得自己羞恥，全個自修室好似淨係得我玩手機，玩玩下仲兩眼一黑瞓著嘛。睇嚟呢啲就係學渣同學霸嘅分別。

一覺醒來，時間先過咗一個鐘，距離自修室閂門時間仲有兩個鐘。而佢嘅動作好似十年如一日咁無變，真係佢有佢做我有我瞓。

我心諗：「明明係大家一齊約出嚟溫㗎嘛。點解個氣氛可以咁尷尬。」

於是，我決定打破呢個沉寂咗個幾鐘嘅氣氛。





我個大腦高速運作，希望搵到一個適合嘅話題。無錯，呢個話題就係「econ」。

我即刻打開我份試卷問：「你識唔識做呢題機會成本吖。」

點解佢答咗句完全出乎我意料嘅答案：「我讀開英文Econ，轉咗中文睇唔明你啲題目。」

我個心入面彈出咗十萬個WTF。

我已經放棄咗同佢傾計，都係乖乖地等走人算把。





二個鐘之後，我終於聽到自修室閂門唧廣播。我即刻執好哂嘢衝出去呼吸下新鮮空氣。

我哋出到去之後，佢終於開口同我講嘢：「不如我哋去TOP。」

我個心開心咗一下，心諗：「終於有返啲正常嘅行程。」

點知，佢又補咗句：「我想去廁所。」

我屌，好彩我帶住口罩。如果唔係佢一定聽到。





屌完之後，我就懶係嘢嘅話：「好吖。我都急急地。」

唉，唔通我話我唔急叫佢自己去咁仆街咩。

去TOP嘅期間，我哋都係傾啲學業話題，真係好撚無聊。不過，咁都好過dead air嘅。

終於，我哋都去完廁所，慢慢咁行到去地鐵站。

呢個時後嘅氣氛真係尷尬到極點。因為我哋宜家連學業嘅話題都無嘢好傾。

突然，佢彈咗句：「你有冇其他地方想去。」

我緊係有好多地方想去啦。如果你係一個鐘之前問嘅話我應該會想叫你同我去睇戲嘅，但係我宜家只係想返屋企。

我：「冇吖。我哋返屋企溫書啦。」





跟住我就送咗佢去撘巴士。

我哋一分開之後，我成身即刻鬆哂。

估唔到我期待咗咁耐嘅見面會尷尬。下次約出嚟之前真係要學老師話齋「三思而行」