交友app日記: Hazel

叮...叮...我睇一睇手機。屌，原來已經咁晏。

「阿媽，快啲同我攞件校服出嚟。你個仔就遲到啦。」我係間房大嗌，之後我就即刻衝入廁所刷牙。

「嗱，你件校服啊。你快啲搞掂佢出門口，我唔想返返下工收到你老師電話投訴。」阿媽

「吾...吾...」我講到啲牙膏口水流哂落洗手盤到。

「得啦。你唔好講嘢。總之你快啲出門口。」阿媽





我再望一望鬧鐘見到已經過咗三分鐘。仆街，睇嚟要用個一招。

之後，我就一路刷牙一路換校服。經過我六年嘅訓練，我已經將呢招練到出神入化。

隔咗一陣，我就係廁所出嚟。

「你咁快嘅，我啱啱煮咗早餐，食埋先出門口啦。」阿媽係廚房嗌

「唔洗啦。食埋早餐嘅話你返工一定收到我老師電話。」我換住鞋講





一落到街我就一支箭跑向學校，我敢講呢個速度係陸運會一定攞到頭三。

終於，比我係打鐘前十秒到學校。

「黃子諾又係你啊。」當值老師

「係啊，乜咁啱啊。」我講完就即刻走咗，廢事佢有排煩。

一入到班房我就見到張枱到有個包。





「邊個咁醒目知道我今日冇食早餐。」我講都未講完就聽到有人講

「你咁晏仲未返就知你今日趕住出門口冇食早餐啦。」原來係阿軒

「車，收皮啦你。我成日都趕出門口冇食早餐啦，唔見你次次都買早餐比我。」我雖然咁講，但係我已經食緊個包。

「你唔好諗住請我食個包就可以補數。今次個難度咁高，你起碼請食lunch。」我咬住個包同佢講

「無問題啦。咁你諗到計未。」阿軒佢好期待咁講

「Er...」仆街，琴日掛住趕功課都冇諗過呢個問題添。

「屌，你唔係無諗掛。」

「緊係唔係，我同你講等陣數學堂你調過去同佢坐教佢數學拉近下距離先啦。」





「收皮啦，你估我未試過咩，都唔work嘅。」

「緊係唔work啦，之前有我教佢啊嘛。今次數學堂我扮瞓覺，咁你未有機會出場囉。」

「你又有啲道理。」

屌，好彩比我諗到條計啫，差啲就仆街。

「嗱，你一開始就教數學。第二步就慢慢轉型話題啦。」

話咁快就到咗數學題。我哋嘅策略好順利咁進行。因為我瞓著咗嘅關係，所以hazel只可以問阿軒數學。

我瞓醒見到佢哋仲傾緊，睇嚟我哋嘅策略已經去到step2。





一直到放學，佢哋仲傾得如火如荼。真係難為咗我，明明辦法就係我諗嘅，但係女就係佢溝。

「喂，你傾得好開心啦。咁我餐飯幾時有啊。」我趁hazel行咗去執locker去咗同阿軒講

「得啦，今日唔得啊，等陣要同hazel去食飯。總之有拖冇欠」佢笑到見牙唔見眼緊講

「屌。你條友仔忘恩負義。」

我講都未講完佢就同hazel走咗。

屌，十幾年兄弟竟然抵抗唔到一個hazel。

返到屋企之後，我煮咗個麵就入咗dc打機。

打咗兩三個鐘之後，阿軒佢仲未入dc。睇嚟條友仲同hazel傾緊。





呢個時候，我突然之間諗到一個問題「如果佢哋真係一齊咗，咁我每日未要好似今日咁過。」

我個腦即刻想象到呢個情境。

屌，真係諗起都驚。睇嚟我都唔可以落後，我都要快啲搵個女朋友先得。

之後，我又開咗個hmd繼續match人。