真係雞都不如
 
「你肯定當日係我送你金牌咩?」雖然我自己有九成九肯定,但咁柒的往事真的不想當面承認,尤其今天她已是我的女朋友,真的老尷到極點呀~~
 
挑通眼眉的她完全無視我的反問,瞇著眼睛繼續迫問:「你老老實實答我,以前係唔係成日噉樣識女仔?」
 
我喊冤叫屈:「冤枉呀太后,真係一次咋。」
 
「你正話講你唔記得喎,噉點解你唔認得我呢?梗係成日送獎牌畀人,係『多』到都唔記得!」她嘴嘟嘟的作狀發脾氣。
 


好耐也無見過她耍刁蠻,不過真係好可愛。哈,我認我是犯賤的。「喂呀,真係無哩,我咁渣,點會有好多奬送畀人呢?」
 
「但你明明話你啲牌多到放餅罐喎!又話學界冠軍又呢又嚕。」她就是窮追著我屎窟來咬不放。
 
「哎呀~總之無啦。太后,有多成日送畀囡,就唔使咁愁啦,我以前使鬼成日冤住妳咩,係咪?」答到我自己都唔知點答。
 
「嗄~?好失禮你咩,噉即係話我路人樣啦,噉都唔認得?」小野蠻開始儲氣,準備二段變身超級小野蠻…
 
「無呀,妳以前戴眼鏡嘛,都唔同樣。」明顯我自己都唔記得送咗個牌畀阿誰,為免繼續捱轟,唯有亂噏廿四,反客為主搶主動!「咦,噉妳仲有無keep住塊牌呀?」
 


「哼,唔知呀~」她擰歪面嘟嘴。(今天寫文時想起,當天的她真是超可愛,哈)
 
「喂?噉計塊牌係定情信物嚟喎,點可以唔見㗎。」好,看來喧賓奪主奏效,繼續全場緊迫施壓。

已有 0 人追稿