《我老婆唔係我女朋友》【那些年／學界比賽／真人】 第四章至六章: 【第五章】 阿仁你…生嘢呀？（３）
一放break，我帶著白版碟又「中槍阿琴」似的去找阿心，正自步步為營的緩步前行著，冷不防背後有人拍我膊頭，縱是只是輕輕一下，但已經令我痛彻心扉兼冷汗直冒，面容扭曲下轉身一看，原來是「連體嬰」墳哥和阿仙在我後面，剛剛顯然是墳哥拍了我一下跟我打招呼，因為他也被我的過激反應嚇了一跳。
我強忍兩行苦淚跟他們說：「唉～拜託唔好搞我後面，我練嘢整嚫膊頭好痛。咁錯蕩呀？你哋今日無堂㗎。」緣於A1和A2班的常駐課室基本上是在不同樓層的，所以日常兩班人會較少碰面。
聽到我受傷的消息，墳哥和阿仙兩個對望一眼，墳哥先說：「Sorry囉，我哋返嚟傾project嘛。哦～唔怪得你行到掗吓掗吓噉啦，我仲以為你生嘢添。」
我心中狂門小…你鹵味你個仆街就生嘢。
阿仙帶點憂心接著說：「你好似好嚴重噉喎，會唔會出唔到賽㗎？」
「唉～我都唔知呀，不過都仲有差不多4個月，而家唯有見步行步啦。」我自己都未掌握傷勢如何，都唔知可以點答佢。
他們兩個再對望一眼。「噉你小心養傷喇，我盡量知會大家唔好掂你啦。」墳哥說完拖著阿仙爬頭走了，剩我自己繼續成個磨轆一樣慢行。
我邊行邊心下嘀咕，乜間學校真係有人緊張個比賽㗎咩？何解無其他人參加嘅呢，這件事當時想過就算了，畢竟我跟他倆未算深交，有可能只是單純想找點話題吧了。